ಮುಂಬೈ ಕಸ್ಟಮ್ಸ್ ಇಲಾಖೆಯ ಪ್ರಕಾರ, ಅವರ ಬಳಿ ವಾಚ್‌ಗಳ ಬಿಲ್ ರಶೀದಿ ಇರಲಿಲ್ಲ. ಮುಂಬೈ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ಕಸ್ಟಮ್ಸ್ ಅಧಿಕಾರಿಗಳು ಹಾರ್ದಿಕ್ ಬಳಿ ಎರಡು ಐಷಾರಾಮಿ ಕೈಗಡಿಯಾರಗಳನ್ನು ಹೊಂದಿದ್ದು, ಅದನ್ನು ವಶಕ್ಕೆ ತೆಗೆದುಕೊಳ್ಳಲು ಮುಂದಾದರು. ಹಾರ್ದಿಕ್ ಪಾಂಡ್ಯ ವಾಚ್‌ಗಳನ್ನು ಕಸ್ಟಮ್ಸ್ ವಸ್ತುಗಳೆಂದು ಘೋಷಿಸದೆ ಇದ್ದುದರಿಂದ ತೊಂದರೆಗೆ ಕಾರಣವಾಯಿತು. ವಸ್ತುಗಳನ್ನು ಅಧಿಕಾರಿಗಳು ಜಪ್ತಿ ಮಾಡಿದ್ದಾರೆ.

ಹಾರ್ದಿಕ್ ದುಬಾರಿ ವಾಚ್‌ಗಳ ದೊಡ್ಡ ಸಂಗ್ರಹವನ್ನು ಹೊಂದಿದ್ದಾರೆ. ಅವರ ಬಳಿ ಪಾಟೆಕ್ ಫಿಲಿಪ್ ನಾಟಿಲಸ್ ಪ್ಲಾಟಿನಂ 5711 ಇದೆ – ಇದರ ಬೆಲೆ 5 ಕೋಟಿ ರೂ ಆಗಿದೆ.
ಈ ಸಂಬಂಧ ಸೋಶಿಯಲ್​ ಮೀಡಿಯಾದಲ್ಲಿ ಪೋಸ್ಟ್​ ಶೇರ್​ ಮಾಡಿರುವ ಪಾಂಡ್ಯ ತಮ್ಮ ಬಳಿ ಇದ್ದ ​ವಾಚ್​ನ ಬೆಲೆ 5 ಕೋಟಿ ರೂಪಾಯಿ ಅಲ್ಲ. ಬದಲಾಗಿ ತಲಾ 1.8 ಕೋಟಿ ರೂಪಾಯಿ ಹಾಗೂ 1.4 ಕೋಟಿ ರೂಪಾಯಿ ಮೌಲ್ಯದ್ದಾಗಿವೆ ಎಂದು ಸ್ಪಷ್ಟನೆ ನೀಡಿದ್ದಾರೆ. ನಾನು ಕಾನೂನಿನ ಎಲ್ಲಾ ಕ್ರಮಗಳನ್ನು ಪಾಲಿಸಿಯೇ ದುಬೈನಲ್ಲಿ ಈ ವಾಚುಗಳನ್ನು ಖರೀದಿಸಿದ್ದೇನೆ ಎಂದು ಹೇಳಿದ್ದಾರೆ.