ಮಂಗಳೂರು: ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ ಕಾರಿನಲ್ಲಿ ಬಂದೂಕು ಸಾಗಿಸುತ್ತಿದ್ದ ಯುವಕನನ್ನು ಪೊಲೀಸರು ಬಂಧಿಸಿದ್ದಾರೆ.
ಉಡುಪಿ ಜಿಲ್ಲೆಯ ಬ್ರಹ್ಮಾವರ ಮೂಲದ ರೈನಾಲ್ಡ್ ಡಿಸೋಜ (24) ಬಂಧಿತ ಆರೋಪಿ. ಸಂಬಂಧಿಕರನ್ನು ಕರೆದೊಯ್ಯಲು ಮಂಗಳೂರು ಏರ್​ಪೋರ್ಟ್ ಬಂದಿದ್ದ ರೈನಾಲ್ಡ್ ಡಿಸೋಜ, ತನ್ನ ಕಾರಿನಲ್ಲಿ ಕಂಟ್ರಿಮೇಡ್ ನಾಡಬಂದೂಕು ತಂದಿದ್ದ. ಪಾರ್ಕಿಂಗ್ ಏರಿಯಾದಲ್ಲಿ ಸಿಐಎಸ್​ಎಫ್ ಭದ್ರತಾ ಸಿಬ್ಬಂದಿ ತಪಾಸಣೆ ನಡೆಸುವ ಸಂದರ್ಭ ಬಂದೂಕು ಪತ್ತೆ ಹಚ್ಚಿ ವಶಕ್ಕೆ ಪಡೆದಿದ್ದಾರೆ.

ಸಿಐಎಸ್​ಎಫ್ ಪಡೆಯ ಅಧಿಕಾರಿಗಳು ನಾಡಬಂದೂಕು ಹಾಗೂ ರೈನಾಲ್ಡ್ ಡಿಸೋಜನನ್ನು ಬಜಪೆ ಪೊಲೀಸರಿಗೆ ಒಪ್ಪಿಸಿದ್ದಾರೆ. ಶಿಕಾರಿಗೆ ತಯಾರಾಗಿ ಬಂದಿದ್ದಾಗಿ ವಿಚಾರಣೆ ವೇಳೆ ರೈನಾಲ್ಡ್ ತಿಳಿಸಿದ್ದಾನೆ.