ಗ್ಲೈಡರ್ ವಿಮಾನ ಮನೆಗೆ ಢಿಕ್ಕಿ -ಇಬ್ಬರು ಗಂಭೀರ
Twitter
Facebook
LinkedIn
WhatsApp
ಧನ್ಬಾದ್, ಮಾ 24 : ಜಾಯ್‌ರೈಡ್ ಗ್ಲೈಡರ್ ಟೇಕಾಫ್ ಆದ ಕೆಲವೇ ಕ್ಷಣದಲ್ಲಿ ಮನೆ ಮೇಲೆ ಅಪ್ಪಳಿಸಿ ಪೈಲಟ್ ಮತ್ತು 14 ವರ್ಷದ ಪ್ರಯಾಣಿಕ ಗಂಭೀರ ಗಾಯಗೊಂಡ ಘಟನೆ ಜಾರ್ಖಂಡ್‌ನ ಧನ್ಬಾದ್ ಜಿಲ್ಲೆಯಲ್ಲಿ ನಡೆದಿದೆ. ಇಬ್ಬರ ಸ್ಥಿತಿ ಗಂಭೀರವಾಗಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಧನ್‌ಬಾದ್‌ನ ಬರ್ವಡ್ಡಾ ಏರ್‌ಸ್ಟ್ರಿಪ್‌ನಿಂದ ಗ್ಲೈಡರ್ ಹೊರಟು ಸುಮಾರು 500 ಮೀಟರ್ ದೂರದಲ್ಲಿರುವ ಮನೆಗೆ ಢಿಕ್ಕಿ ಹೊಡೆದಿದೆ.. ತಾಂತ್ರಿಕ ದೋಷವು ಘಟನೆಗೆ ಕಾರಣವಾಗಿರಬಹುದು ಎಂದು ಶಂಕಿಸಲಾಗಿದೆ.
ಘಟನೆಯ ದೃಶ್ಯಾವಳಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ವಸತಿ ಕಾಲೋನಿಯಲ್ಲಿ ಈ ಘಟನೆ ನಡೆದಿದ್ದು, ಪೈಲಟ್ ಮತ್ತು ಬಾಲಕನಿದ್ದ ವಿಮಾನವು ಧನ್‌ಬಾದ್‌ನ ಆಕಾಶದಿಂದ ಕೊಯಲಾಂಚಲ್‌ನ ವೈಮಾನಿಕ ಪ್ರವಾಸಕ್ಕಾಗಿ ಹೊರಟಿತ್ತು.
