ಅಂಟಾರ್ಟಿಕ ದಲ್ಲಿರುವ ಬ್ಲಡ್ ಫಾಲ್ಸ್ ವಿಶ್ವದ ವಿಚಿತ್ರ ಪ್ರವಾಸಿ ಸ್ಥಳಗಳಲ್ಲಿ ಒಂದು. ಈ ಜಲಪಾತದಲ್ಲಿ ಹರಿದು ಬರುವ ನೀರು ಕೆಂಪಗಿರುತ್ತದೆ.

ಇದರಿಂದ ರಕ್ತ ಜಲಪಾತ ಎಂದು ಇದನ್ನು ಕರೆಯಲಾಗುತ್ತದೆ. ಕಬ್ಬಿಣದ ಅಂಶಗಳು ಹೇರಳವಾಗಿ ನೀರಿಗೆ ಸೇರುವುದರಿಂದ ಈ ನೀರು ಕೆಂಪಗಿರುತ್ತದೆ ಎಂದು ಸಂಶೋಧನೆಗಳಿಂದ ತಿಳಿದುಬಂದಿದೆ.ವರ್ಷ ಲಕ್ಷಾಂತರ ಪ್ರವಾಸಿಗರು ಈ ಸ್ಥಳವನ್ನು ಭೇಟಿ ಮಾಡುತ್ತಾರೆ.

ಹಲವು ವರ್ಷಗಳ ಕಾಲ ಈ ಜಲಪಾತದಲ್ಲಿ ಕೆಂಪು ನೀರು ಏಕೆ ಬರುತ್ತದೆ ಎಂಬುದು ನಿಗೂಢ ಪ್ರಶ್ನೆಯಾಗಿತ್ತು. ಆದ ವಿಜ್ಞಾನಿಗಳ ತಂಡ ಇತ್ತೀಚಿಗೆ ಈ ನಿಗೂಢತೆಗೆ ಪರಿಹಾರ ನೀಡಿದೆ.ಅಂಟಾರ್ಟಿಕ ಹಿಮಚ್ಚಾದಿತ ಪ್ರದೇಶದಲ್ಲಿರುವ ಈ ರಕ್ತ ಜಲಪಾತ ಅದ್ಭುತ ಸೌಂದರ್ಯಕ್ಕೆ ಹೆಸರುವಾಸಿಯಾಗಿದೆ. ಈ ರಕ್ತ ಜಲಪಾತದ ಸುತ್ತಲೂ ಹಿಮ ಆವರಿಸಿದೆ ಗುಡ್ಡಗಳು ಕಂಡುಬರುತ್ತವೆ. ಆದರೆ ಈ ಗುಡ್ಡಗಳು ಹೆಚ್ಚು ಎತ್ತರದಲ್ಲಿ ಇಲ್ಲ. ಸಣ್ಣ ಗುಡ್ಡ ಗಳಾಗಿವೆ. ಬಿಳಿ ಬಣ್ಣದ ಹಿಮ ಆವರಿಸಿದ ಗುಡ್ಡಗಳ ನಡುವೆ ಈ ರಕ್ತ ಜಲಪಾತ ವನ್ನು ವೀಕ್ಷಿಸುವುದೇ ಬಹಳಷ್ಟು ಸೊಗಸು.