ಸಾಗರ್ (ಮಧ್ಯ ಪ್ರದೇಶ): ಮಧ್ಯ ಪ್ರದೇಶ ರಾಜ್ಯದ ಸಾಗರ್ ಜಿಲ್ಲೆಯಲ್ಲಿ ಒಂದು ಶಾಕಿಂಗ್ ಘಟನೆ ನಡೆದಿದೆ. ಸಂಬಂಧಿ ಯುವತಿಯೊಬ್ಬಳ ಸಾವಿನಿಂದ ಮನನೊಂದ ಯುವಕ, ಆಕೆಯ ಚಿತೆಯ ಮೇಲೆ ಹಾರಿ ಪ್ರಾಣ ಬಿಟ್ಟಿದ್ಧಾನೆ..!

ಯುವಕನ ಹತ್ತಿರದ ಸಂಬಂಧಿಯಾಗಿದ್ದ ಯುವತಿಯ ಸಾವಿನಿಂದ ಯುವಕ ತುಂಬಾನೇ ಬೇಸರಗೊಂಡಿದ್ದ ಎಂದು ತಿಳಿದು ಬಂದಿದೆ. ಆತ ಚಿತೆಗೆ ಹಾರುವ ಮುನ್ನ ಅದಕ್ಕೆ ನಮಸ್ಕರಿಸುತ್ತಿದ್ದ ಎಂದು ಕೆಲವು ಪ್ರತ್ಯಕ್ಷದರ್ಶಿಗಳು ಹೇಳಿದ್ಧಾರೆ.

ಮಧ್ಯ ಪ್ರದೇಶ ರಾಜ್ಯದ ಸಾಗರ್ ಜಿಲ್ಲೆಯ ಮಜಗಾವ್ ಎಂಬ ಗ್ರಾಮದ ಯುವತಿ ಜ್ಯೋತಿ ದಾಗಾ ಅವರು ಬಾವಿಯೊಂದರ ಪಕ್ಕ ನಡೆದುಕೊಂಡು ಹೋಗುವಾಗ ಅಚಾನಕ್ಕಾಗಿ ಬಾವಿಯಲ್ಲಿ ಬಿದ್ದು ಮೃತಪಟ್ಟಿದ್ದರು. ಇದರಿಂದ ಯುವಕ ತೀವ್ರ ಆಘಾತಕ್ಕೆ ಒಳಗಾಗಿದ್ದ. ಯುವತಿಯ ಸಂಬಂಧಿಕರು ಆಕೆಯ ಅಂತ್ಯಕ್ರಿಯೆ ನೆರವೇರಿಸಿ ಚಿತೆಗೆ ಬೆಂಕಿ ಇಟ್ಟ ಬಳಿಕ ತಮ್ಮ ಮನೆಗಳಿಗೆ ವಾಪಸ್ ಹೋಗುತ್ತಿದ್ದರು. ಆದರೆ, ಯುವತಿಯ ಸಂಬಂಧಿ ಯುವಕ ಕರಣ್ ಮಾತ್ರ ಸ್ಮಶಾನದಲ್ಲೇ ಇದ್ದ. ಹೊತ್ತಿ ಉರಿಯುತ್ತಿದ್ದ ಚಿತೆಯ ಬಳಿಯಲ್ಲೇ ನಿಂತಿದ್ದ.