ಮಗುವಿನ ತಲೆ ಒಳಗೆ ಸಿಕ್ಕಿಹಾಕಿಕೊಂಡಿದೆ ಮತ್ತು ತಾಯಿಯ ಗರ್ಭಾಶಯವೂ ಗಾಯಗೊಂಡಿದೆ.  ಮಹಿಳೆಯ ಜೀವವನ್ನು ಉಳಿಸಲು, ಆಕೆಯ ಹೊಟ್ಟೆಯನ್ನು ತೆರೆದು ನವಜಾತ ಶಿಶುವಿನ ತಲೆಯನ್ನು ಹೊರತೆಗೆಯಬೇಕಾಯಿತು ಎಂದು ಜಮ್ಶೋರೊದಲ್ಲಿರುವ  ಲಿಯಾಕತ್ ವೈದ್ಯಕೀಯ ಮತ್ತು ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯದ (LUMHS) ಸ್ತ್ರೀರೋಗ ಶಾಸ್ತ್ರದ ಘಟಕದ ಮುಖ್ಯಸ್ಥರಾದ ಪ್ರೊಫೆಸರ್ ರಹೀಲ್ ಸಿಕಂದರ್ ಹೇಳಿದ್ದಾರೆ.

ಭಯಾನಕ ತಪ್ಪಿನಿಂದಾಗಿ ಸಿಂಧ್ ಆರೋಗ್ಯ ಸೇವೆಗಳ ಮಹಾನಿರ್ದೇಶಕ ಡಾ ಜುಮಾನ್ ಬಹೋಟೊ ಅವರು ಪ್ರಕರಣದ ಪ್ರತ್ಯೇಕ ವಿಚಾರಣೆಗೆ ಆದೇಶಿಸಿದ್ದಾರೆ. ಚಚ್ರೋದಲ್ಲಿರುವ ಆರ್‌ಎಚ್‌ಸಿಯಲ್ಲಿ ಸ್ತ್ರೀರೋಗತಜ್ಞರು ಮತ್ತು ಮಹಿಳಾ ಸಿಬ್ಬಂದಿಯ ಅನುಪಸ್ಥಿತಿಯಲ್ಲಿ ಏನಾಯಿತು ಎಂಬುದನ್ನು ವಿಚಾರಣಾ ಸಮಿತಿಗಳು ಕಂಡುಹಿಡಿಯುತ್ತವೆ ಎಂದು ಅವರು ಹೇಳಿದರು.