ಸೇಬಿನ ಬೀಜಗಳಲ್ಲಿ ಸಯನೈಡ್ ಎಂಬ ಪ್ರಬಲ ವಿಷವಿದೆ ಹಾಗೂ ಇದರ ಸೇವನೆ ಮಾರಣಾಂತಿಕವಾಗಿದೆ. ಹಾಗಾಗಿ ಸೇಬನ್ನು ಸೇವಿಸುವಾಗ ಬೀಜಗಳನ್ನು ಕಡ್ಡಾಯವಾಗಿ ವರ್ಜಿಸಬೇಕು. ಕೆಲವರಲ್ಲಿ ಸೇಬಿನ ಸೇವನೆಯಿಂದ ಹೊಟ್ಟೆಯಲ್ಲಿ ಉರಿ, ಅಪಾನವಾಯು, ಹೊಟ್ಟೆಯುಬ್ಬರಿಕೆ ಮತ್ತು ಹೊಟ್ಟೆಯಲ್ಲಿ ನೋವು ಕಾಣಿಸಿಕೊಳ್ಳಬಹುದು.

ಸೇಬು ಹಣ್ಣಿನ ಮಧ್ಯ ಭಾಗದಲ್ಲಿ ಗಾಢವಾದ ಕಂದು ಬಣ್ಣದ ಪುಟ್ಟ ಪುಟ್ಟ ಬೀಜಗಳು ಇರುವುದನ್ನು ನಾವು ನೋಡುತ್ತೇವೆ. ಸಾಮಾನ್ಯವಾಗಿ ಬೀಜವನ್ನು ಸೇವಿಸುವುದಿಲ್ಲ. ಆದರೆ ಕೆಲವು ಬಾರಿ ಹಣ್ಣು ತಿನ್ನುವಾಗ ಹೊಟ್ಟೆಗೆ ಹೋಗುವ ಸಾಧ್ಯತೆಯೂ ಉಂಟು. ಈ ಬೀಜದಲ್ಲಿ ಅಮಿಗ್ಡಾಲಿನ್ ಎನ್ನುವ ಅಂಶವಿರುತ್ತದೆ. ಇದು ಮನುಷ್ಯನ ಜೀರ್ಣಕಾರಿ ಕಿಣ್ವಗಳ ಸಂಪರ್ಕಕ್ಕೆ ಬಂದಾಗ ಸೈನೈಡ್‍ಅನ್ನು ಬಿಡುಗಡೆ ಮಾಡಲು ಪ್ರಾರಂಭಿಸುತ್ತದೆ. ದೇಹದೊಳಗೆ ಅದು ಹೈಡ್ರೋಜನ್ ಸೈನೈಡ್ ಆಗಿ ಬದಲಾಗುವುದು. ಇದು ವ್ಯಕ್ತಿಯ ಆರೋಗ್ಯವನ್ನು ಹದಗೆಡಿಸುವುದರ ಜೊತೆಗೆ ಸಾವನ್ನು ಸಹ ತಂದೊಡ್ಡುವುದು. ಆಕಸ್ಮಿಕವಾಗಿ ಒಂದೆರಡು ಬೀಜಗಳನ್ನು ಸೇವಿಸಿದರೆ ಅದರಿಂದ ಗಮನಾರ್ಹ ಅಪಾಯ ಇರುವುದಿಲ್ಲ.

ಸೇಬು ಹಣ್ಣಿನ ಬೀಜವನ್ನು ಅಗೆಯದೆ ಹಾಗೇ ಹೊಟ್ಟೆಗೆ ಹೋದರೆ ಅದು ಯಾವುದೇ ತೊಂದರೆಯಾಗುವುದಿಲ್ಲ. ಅದು ಒಡೆಯದೆ ಹಾಗೆಯೇ ಮಲದಲ್ಲಿ ಹೋಗುತ್ತದೆ. ಅದನ್ನು ಅಧಿಕ ಪ್ರಮಾಣದಲ್ಲಿ ಅಗೆದು ತಿಂದಿದ್ದರೆ ಮಾತ್ರ ದೇಹಕ್ಕೆ ವಿಷಕಾರಿಯಾಗಿ ಪರಿಣಾಮ ಬೀರುವುದು. ಇಲ್ಲವಾದರೆ ಯಾವುದೇ ತೊಂದರೆ ಉಂಟಾಗದು ಎಂದು ಹೇಳಲಾಗುವುದು.

ಖಾಲಿ ಹೊಟ್ಟೆಯಲ್ಲಿ ಕೆಲವು ಹಣ್ಣುಗಳನ್ನು ತಿನ್ನುವ ಬಗ್ಗೆ ತಪ್ಪು ಅಭಿಪ್ರಾಯಗಳು ಇವೆ. ಆದರೆ ಯಾವುದೇ ಅಧ್ಯಯನ ಕೂಡ ಖಾಲಿ ಹೊಟ್ಟೆಯಲ್ಲಿ ಹಣ್ಣು ತಿಂದರೆ ಆಗುವಂತಹ ಲಾಭಗಳ ಬಗ್ಗೆ ತಿಳಿಸಿಲ್ಲ.

ಸೇಬನ್ನು ಚೆನ್ನಾಗಿ ತೊಳೆದು ಬೀಜ ನಿವಾರಿಸಿ ಚಿಕ್ಕ ತುಂಡುಗಳನ್ನಾಗಿಸಿ ನಿಮ್ಮ ಹಸಿರು ಸಲಾಡ್ ಅಥವಾ ಹಣ್ಣಿನ ಸಾಲಾಡ್ ನೊಂದಿಗೆ ಸೇವಿಸಿ

ಸಿಹಿಖಾದ್ಯಗಳು, ಉದಾಹರಣೆಗೆ ಮಫಿನ್ಸ್, ಐಸ್ ಕ್ರೀಂ, ಪ್ಯಾನ್ ಕೇಕ್, ಕೇಕ್ ಮೊದಲಾದವುಗಳ ಜೊತೆಗೂ ಸೇವಿಸಬಹುದು. ಅಲ್ಲದೇ ಸೇಬಿನ ಜ್ಯೂಸ್ ಅಥವಾ ಸಾಸ್ ತಯಾರಿಸಿಯೂ ಸೇವಿಸಬಹುದು.