ಪಟ್ಟಣದ ತೀನಂಶ್ರೀ ಭವನದಲ್ಲಿ ತಾಲೂಕು ಆಡಳಿತ ಹಮ್ಮಿಕೊಂಡಿದ್ದ ಹಂದನಕೆರೆ, ಕಂದಿಕೆರೆ ಹೋಬಳಿಯ ಸಾಗುವಳಿ ಚೀಟಿ ವಿತರಣೆ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿ ಮಾತನಾಡಿದರು. ನಮೂನೆ 50, 53, 57ರ ಅಡಿಯಲ್ಲಿ ಅರ್ಜಿ ಸಲ್ಲಿಸಿದ ಫಲಾನುಭವಿಗಳಿಗೆ ಜಮೀನಿನ ಹಕ್ಕು ಪತ್ರಗಳನ್ನು ವಿತರಣೆ ಮಾಡುತ್ತಿದ್ದು ಭೂಮಿಯನ್ನು ಸದ್ಭಳಕೆ ಮಾಡಿಕೊಳ್ಳಿ ಎಂದು ತಿಳಿಸಿದರು. ಖರಾಬು, ಸೇಂದಿವನ, ಬೀಳು ಜಮೀನುಗಳ ಭೂಮಿಯನ್ನು ಶೆಟ್ಟಿಕೆರೆ, ಕಸಬಾ, ಹುಳಿಯಾರು, ಹದನಕೆರೆ, ಕಂದಿಕೆರೆ ಹೋಬಳಿಯ ಅರ್ಹ ಬಡವರಿಗೆ ಖಾತೆ ಪಹಣಿ ಪತ್ರಗಳನ್ನು ವಿತರಿಸಲು ಸಿದ್ದತೆ ಮಾಡಿಕೊಂಡಿದ್ದು 45 ಸಾವಿರ ಗೋಮಾಳ ಅರ್ಜಿ ಇದ್ದು 3,4 ಹಂತದಲ್ಲಿ ಡಿಸೆಂಬರ್‌, ಜನವರಿ ಒಳಗೆ ಪೂರ್ಣಗೊಳಿಸುತ್ತೇವೆ ಎಂದರು.