ಕೊನೇ ಓವರ್‌ನಲ್ಲಿ ಪಾಕಿಸ್ತಾನ ತಂಡದ ಗೆಲುವಿಗೆ 11 ರನ್‌ ಬೇಕಿದ್ದವು. ಆದರೆ, ತಂಡಕ್ಕೆ ಗೆಲುವು ನೀಡಲು ಪಾಕ್‌ ತಂಡದ ಪಾಲಿಗೆ ವಿರಾಟ್‌ ಕೊಹ್ಲಿ ಇದ್ದಿರಲಿಲ್ಲವಷ್ಟೇ. ಮೊಹಮದ್‌ ವಾಸಿಂ ಹಾಗೂ ಟಿ20 ಯಲ್ಲಿ ಉತ್ತಮವಾಗಿಯೇ ಬ್ಯಾಟಿಂಗ್‌ ಮಾಡುವ ಮೊಹಮದ್‌ ನವಾಜ್‌ ಕ್ರೀಸ್‌ನಲ್ಲಿದ್ದರು. ಬ್ರಾಡ್‌ ಇವಾನ್ಸ್‌ ಎಸೆದ ಒದಲ ಎಸೆತದಲ್ಲಿ ಮೊಹಮದ್‌ ನವಾಜ್‌, ಮಿಡ್‌ಆಫ್‌ನತ್ತ ಬಾರಿಸಿ ಮೂರು ರನ್‌ ಕದ್ದರು. ಇದರಿಂದಾಗಿ ಕೊನೇ 5 ಎಸೆತಗಳಲ್ಲಿ 8 ರನ್‌ ಬಾರಿಸುವ ತೀರಾ ಸುಲಭದ ಸವಾಲು ಪಾಕ್‌ ಮುಂದೆ ಇತ್ತು. ಮೊಹಮದ್‌ ವಾಸಿಂ 2ನೇ ಎಸೆತದಲ್ಲಿ ಬ್ಯಾಕ್‌ ಕವರ್‌ನಲ್ಲಿ ಆಕರ್ಷಕ ಬೌಂಡರಿ ಕೂಡ ಸಿಡಿಸಿದರು. ಮೂರನೇ ಎಸೆತದಲ್ಲಿ, ವಾಸಿಂ 1 ರನ್‌ ಕದಿದ್ದರು.

ಕೊನೆಯ ಮೂರು ಎಸೆತಗಳಲ್ಲಿ ಪಾಕಿಸ್ತಾನಕ್ಕೆ 3 ರನ್‌ ಬೇಕಿತ್ತು. 4ನೇ ಎಸೆತದಲ್ಲಿ ಮೊಹಮದ್‌ ನವಾಜ್‌ ರನ್‌ ಬಾರಿಸಲು ವಿಫಲರಾದರು. 5ನೇ ಎಸೆತದಲ್ಲಿ ಮೊಹಮದ್‌ ನವಾಜ್‌, ಕ್ರೇಗ್‌ ಇರ್ವಿನ್‌ಗೆ ಕ್ಯಾಚ್‌ ನೀಡಿದಾಗ ಪಾಕಿಸ್ತಾನ ಆಘಾತ ಕಂಡಿತು. ಏಕೆಂದರೆ ಕೊನೇ ಎಸೆತದಲ್ಲಿ ಪಾಕಿಸ್ತಾನಕ್ಕೆ ಮೂರು ರನ್‌ ಬೇಕಿತ್ತು. ಬ್ಯಾಟಿಂಗ್‌ ಮಾಡಲು ಬಂದ ಶಾಹಿನ್‌ ಆಪ್ರಿಧಿ, ಕೊನೇ ಎಸೆತದಲ್ಲಿ ಕೇವಲ 1 ರನ್‌ ಕದ್ದರು. ಕನಿಷ್ಠ ಸ್ಕೋರ್‌ ಟೈ ಮಾಡುವ ಪ್ರಯತ್ನದಲ್ಲಿ ರನ್‌ಔಟ್‌ ಆದಾಗ ಜಿಂಬಾಬ್ವೆ ಸಂಭ್ರಮಕ್ಕೆ ಪಾರವೇ ಇರಲಿಲ್ಲ.