ಲಾಕ್ಡೌನ್ ಹಲವಾರು ಮಂದಿಯ ಒಂದು ಹೊತ್ತಿನ ಊಟಕ್ಕೆ ಸಂಚಕಾರ ತಂದಿದೆ ಎನ್ನಬಹುದು. ಈ ನಡುವೆ ಬಹಳಷ್ಟು ಮಂದಿ ಜನರಿಗೆ ಕಿಟ್ ವಿತರಣೆಯ ಮೂಲಕ ಸಹಾಯ ಮಾಡಿದ್ದಾರೆ.

ಆದರೆ ಸದ್ದಿಲ್ಲದೆ ಸಹಾಯ ಮಾಡಿದವರು ಇದ್ದಾರೆ. ಸದ್ದು ಮಾಡಿ ಸಹಾಯ ಮಾಡುವವರು ಇದ್ದಾರೆ. ಸಹಾಯ ಮಾಡುವ ಫೋಟೋಗಳನ್ನು ಜಾಲತಾಣದಲ್ಲಿ ಅಪ್ಲೋಡ್ ಮಾಡಿ ದವರು ಇದ್ದಾರೆ. ಅಪ್ಲೋಡ್ ಮಾಡಿ ಅದು ಇತರರಿಗೆ ತಿಳಿಯಲಿ ಎಂದು ಹಾಗೂ ಆ ಮೂಲಕ ಅವರು ಉತ್ತೇಜನ ಗೊಳ್ಳಲಿ ಎಂಬುದು ನಮ್ಮ ಉದ್ದೇಶ ಎಂದು ವಾದಿಸುವವರಿದ್ದಾರೆ.
ಆದರೆ ಇನ್ನೊಂದು ವಾದದ ಪ್ರಕಾರ ಪ್ರಚಾರ ಪ್ರಿಯರು ಈ ರೀತಿ ಮಾಡುತ್ತಾರೆ ಎಂಬುದು. ವಾದಗಳು ಏನೇ ಇದ್ದರೂ ಇದರಿಂದ ಜನರಿಗೆ ಸಂಕಷ್ಟ ಕಾಲದಲ್ಲಿ ಸಹಾಯವಾಗಿದೆ ಎಂಬುದು ಅಷ್ಟೇ ಸ್ಪಷ್ಟ.

ಸಹಾಯ ಕಿಂಚಿತ್ತಾದರೂ ಜನರಿಗೆ ಅದು ಸ್ವಲ್ಪ ಮಟ್ಟಿಗೆ ರಿಲೀಫ್ ನೀಡಿದೆ ಎಂಬುದರಲ್ಲಿ ಸಂಶಯವಿಲ್ಲ. ಕಿಟ್ ನೀಡಿದ ದಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಅಥವಾ ಇತರ ಮಾಧ್ಯಮದಲ್ಲಿ ಪ್ರಚಾರ ಮಾಡಿಕೊಂಡಿದ್ದರು ತೊಂದರೆಯಿಲ್ಲ ಇದರಿಂದ ಜನರಿಗೆ ಸ್ವಲ್ಪವಾದರೂ ಪ್ರಯೋಜನವಾಗಿದೆ ಅಷ್ಟು ಸಾಕು ಎನ್ನುತ್ತಾರೆ ಅನಾಗರಿಕ.

ಒಟ್ಟಿನಲ್ಲಿ ಲಾಕ್ಡೌನ್ ಹಾಗೂ ಕಿಟ್ ವಿತರಣೆ ಹಲವಾರು ಮಂದಿ ನಾಗರಿಕರಿಗೆ ಅನುಕೂಲವಾಗಿದ್ದರೆ ಇನ್ನು ಕೆಲವು ಮಂದಿಗೆ ಆ ಮೂಲಕ ಸಮಾಜಸೇವೆ ನಡೆಸುವ ಅವಕಾಶವನ್ನು ಒದಗಿಸಿಕೊಟ್ಟಿದೆ ಎಂಬುವುದರಲ್ಲಿ ಎರಡು ಮಾತಿಲ್ಲ.