ಭಾರತ ದೇಶ ಹಲವಾರು ಪ್ರತಿಭಾವಂತ ಹಾಡುಗಾರ, ಹಾಡುಗಾರ್ತಿ ಹುಟ್ಟಿಬೆಳೆದ ದೇಶ. ಭಾರತ ದೇಶದಲ್ಲಿ ಒಂದು ಕಾಲದಲ್ಲಿ ಎಂ ಎಸ್ ಸುಬ್ಬುಲಕ್ಷ್ಮಿ ನಡೆಸಿದ ಸಂಗೀತ ಸಾಧನೆ ಇಂದಿಗೂ ಇತಿಹಾಸದಲ್ಲಿ ಚಿರಸ್ಥಾಯಿಯಾಗಿ ಉಳಿದಿದೆ. ತಮಿಳುನಾಡಿನ ಮಧುರೆಯಲ್ಲಿ 1916 ರಲ್ಲಿ ಜನಿಸಿದ ಎಂ ಎಸ್ ಸುಬ್ಬುಲಕ್ಷ್ಮಿ ತನ್ನ ತಾಯಿಯ ಆಶೀರ್ವಾದದಿಂದ ಸಂಗೀತ ಕಲಿತರು. ಸೆಮಿ ಕ್ಲಾಸಿಕಲ್ ಹಾಡಿನೊಂದಿಗೆ ತನ್ನ ಸಂಗೀತ ಜೀವನವನ್ನು ಆರಂಭಿಸಿದ ಈ ಪ್ರತಿಭಾವಂತ ಕಲಾವಿದೆ ನಂತರ ಕರ್ನಾಟಿಕ್ ಮ್ಯೂಸಿಕ್ ಅನ್ನು ತನ್ನ ಜೀವನದ ಉದ್ದಕ್ಕೂ ಅಳವಡಿಸಿಕೊಂಡರು. ಭಾರತರತ್ನವನ್ನು ತನ್ನ ಮುಡಿಗೇರಿಸಿಕೊಂಡ ಈ ಅಪ್ಪಟ ಕಲಾವಿದೆ, ಅಮೆರಿಕ, ಬ್ರಿಟನ್ ಮುಂತಾದ ಹಲವಾರು ದೇಶಗಳಲ್ಲಿ ತನ್ನ ಸಂಗೀತದ ಸುಧೆಯನ್ನು ಹರಿಸಿದ್ದಾರೆ.

1997 ರಲ್ಲಿ ತನ್ನ ಪತಿ ಕಲ್ಕಿ ತೀರಿಹೋದ ನಂತರ ಎಂ ಎಸ್ ಸುಬ್ಬಲಕ್ಷ್ಮಿ ಸಾರ್ವಜನಿಕ ಕಾರ್ಯಕ್ರಮಗಳನ್ನು ನಿಲ್ಲಿಸಿದರು. 2004ರಲ್ಲಿ ಈ ಲೋಕವನ್ನು ತ್ಯಜಿಸಿದರು. ಭಾರತ ದೇಶದ ಇತಿಹಾಸದಲ್ಲಿ ಇಂತಹ ಅಪ್ಪಟ ಸಂಗೀತಗಾರ್ತಿ ಯನ್ನು ನಾವು ಎಂದಿಗೂ ನೋಡಿರಲಿಕ್ಕಿಲ್ಲ. ಸಾಂಪ್ರದಾಯಿಕ ಸಂಗೀತದಲ್ಲಿ ಅಪ್ಪಟ ಕಲಾವಿದೆಯಾಗಿ ಮಿಂಚಿದ ಎಂ ಎಸ್ ಸುಬ್ಬಲಕ್ಷ್ಮಿ ಎಂದಿಗೂ ಸಂಗೀತದ ರಸಿಕರ ಮನದಲ್ಲಿ ಚಿರ ಸ್ಥಾಯಿಯಾಗಿ ಉಳಿದುಕೊಂಡಿದ್ದಾರೆ.