ಕಾರವಾರ :- ರಾಜ್ಯ ಸರ್ಕಾರ ಬಜೆಟ್ ನಲ್ಲಿ ಉತ್ತರ ಕರ್ನಾಟಕ ಭಾಗದ ಐದು ಜಿಲ್ಲೆಗಳಿಗೆ ಕುಡಿಯುವ ನೀರು ಪೂರೈಕೆಗಾಗಿ ಉತ್ತರ ಕನ್ನಡ ಜಿಲ್ಲೆಯ ಕಾಳಿ ನದಿ ನೀರನ್ನು ಕೊಂಡೊಯ್ಯುವ ಯೋಜನೆಗೆ ಜಿಲ್ಲೆಯ ಜೋಯಿಡಾ ದಲ್ಲಿ ವಿರೋಧ ವ್ಯಕ್ತವಾಗಿದೆ. ರಾಜ್ಯಸರ್ಕಾರದ ಈ ನಿರ್ಧಾರವನ್ನು ವಿರೋಧಿಸಿ ಇಂದು ಕಾಳಿ ಬ್ರಿಗೇಡ್ ನೇತ್ರತ್ವದಲ್ಲಿ ಜೋಯಿಡಾ ತಾಲೂಕು ಬಂದ್ ಕರೆಕೊಟ್ಟಿದ್ದು ಇಡೀ ಜೋಯಿಡಾ ನಗರ ಬಂದ್ ಮಾಡಿ ಬೆಂಬಲ ನೀಡಿದರು.

ಬಂದ್ ಗೆ ಬೆಂಬಲ ನೀಡಿ ವಿವಿಧ ಸಂಘಟನೆ ಭಾಗವಹಿಸಿದ್ದು,ಜೋಯಿಡಾ ಸರ್ಕಲ್ ನಿಂದ ತಹಶಿಲ್ದಾರ ಕಚೇರಿವರೆಗೆ ಮೆರವಣಿಗೆ ಮೂಲಕ ಸಾಗಿದ ಪ್ರತಿಭಟನಾಗಾರರು ಈ ಯೋಜನೆ ಕೈ ಬಿಡುವಂತೆ ಮನವಿ ಸಲ್ಲಿಸಿದರು.