ಕೋರಿ ರೊಟ್ಟಿ ಮಂಗಳೂರು-ಉಡುಪಿ ಸೇರಿದಂತೆ ಕರಾವಳಿ ಪ್ರದೇಶದಲ್ಲಿ ಜನಪ್ರಿಯ ಖಾದ್ಯ. ಇದರ ರುಚಿಗೆ ಮರುಳಾಗದವರು ಯಾರು ಇಲ್ಲ. ಸಿನಿಮಾ ನಟ-ನಟಿಯರಿಂದ ಹಿಡಿದು ರಾಷ್ಟ್ರ- ವಿದೇಶದಿಂದಲೂ ಜನಮೆಚ್ಚುಗೆ ಗಳಿಸಿದೆ. ಅಕ್ಕಿ ರೊಟ್ಟಿ ಅನ್ನು ಸಾಮಾನ್ಯವಾಗಿ ಚಿಕನ್ ಗ್ರೇವಿ ಯೊಂದಿಗೆ ಸವಿಯುತ್ತಾರೆ. ಇದು ತುಂಬಾ ತೆಳುವಾಗಿದ್ದು, ರುಚಿಕರವಾಗಿರುತ್ತದೆ. ಮದುವೆ, ಮದುರಂಗಿ, ಹಬ್ಬದ ದಿನದಲ್ಲಂತೂ ಎಲ್ಲಿಲ್ಲದ ಬೇಡಿಕೆ.

ಆದರೆ ತಿಳುವಾದ ಅಕ್ಕಿ ರೊಟ್ಟಿ ತಯಾರಿಸಲು ನುರಿತ ಕೆಲಸಗಾರರ ಕೊರತೆ ಇತ್ತೀಚಿಗೆ ವಿಪರೀತ ಏರಿದ್ದು ಅಧಿಕ ಉಷ್ಣತೆಯಲ್ಲಿ ಕೆಲಸ ಮಾಡಲು ಕೆಲಸಗಾರರು ಹಿಂದೇಟು ಹಾಕುತ್ತಿದ್ದು ಇದಕ್ಕೆ ಕಾರಣ. ಇತ್ತೀಚಿಗೆ ಕ್ಯಾಶ್ಯೂ ಸೇಲ್ಸ್ (ಗೇರು ಬೀಜದ ಸಿಪ್ಪೆ), ಪ್ಲಾಸ್ಟಿಕ್, ಅಕ್ಕಿ ಹಾಗೂ ಇತರ ಕಚ್ಚಾವಸ್ತುಗಳ ದರ ವಿಪರೀತ ಏರಿದ್ದು, ಸಾಗಟದ ವೆಚ್ಚ ಉತ್ಪಾದನಾ ವೆಚ್ಚಕ್ಕಿಂತ ಅಧಿಕವಾಗಿರುವುದು ಉದ್ಯಮ ರಂಗಕ್ಕೆ ದೊಡ್ಡ ಹೊಡೆತ ಬಿದ್ದಿದೆ. ಇತ್ತೀಚಿಗೆ ಉಡುಪಿ- ದಕ್ಷಿಣ ಕನ್ನಡ ಅಕ್ಕಿ ರೊಟ್ಟಿ ತಯಾರಿಕ ಸಂಘಟನೆಯೊಂದು ಸ್ಥಾಪಿತವಾಗಿದ್ದು ನಷ್ಟದಿಂದ ನಡೆಯುತ್ತಿದ್ದ ವ್ಯವಹಾರಕ್ಕೆ ಚೇತರಿಕೆ ನೀಡುವ ಸಲುವಾಗಿ ದರ ಏರಿಕೆಯ ಬಗ್ಗೆ ಚಿಂತಿಸಲಾಗಿದೆ. ಅದರಂತೆ ಮಾರ್ಚ್ ತಿಂಗಳ 15 ನೇ ತಾರೀಖಿ ನಿಂದ ಕರಾವಳಿಯಾದ್ಯಂತ ಅಕ್ಕಿ ರೊಟ್ಟಿಯ ದರ ಏರಿಕೆಯಾಗಲಿದೆ.