ವಿಶ್ವದ ದುಬಾರಿ ಪಾಸ್ಪೋರ್ಟ್ :

ಸ್ವಿಟ್ಜರ್ಲೆಂಡ್ : ಸ್ವಿಟ್ಜರ್ಲೆಂಡ್ ಪಾಸ್ಪೋರ್ಟ್ ಬೆಲೆ ಕಡಿಮೆಯೇನಿಲ್ಲ. ಸ್ವಿಸ್ ಪ್ರಜೆಗಳು ಪಾಸ್‌ಪೋರ್ಟ್‌ ಪಡೆಯಲು ಸುಮಾರು 150 ಡಾಲರ್ ಅಂದರೆ ಸುಮಾರು 11578 ರೂಪಾಯಿ ಖರ್ಚು ಮಾಡ್ಬೇಕು.

ಮೆಕ್ಸಿಕೋ : ಮೆಕ್ಸಿಕನ್ ಪಾಸ್‌ಪೋರ್ಟ್ ಅನ್ನು ನವೀಕರಿಸುವ ವೆಚ್ಚ ಸುಮಾರು 170 ಡಾಲರ್ ಆಗಿದೆ. ಭಾರತೀಯ ಕರೆನ್ಸಿಯಲ್ಲಿ ಇದು 13122 ರೂಪಾಯಿಯಾಗುತ್ತದೆ.

ಆಸ್ಟ್ರೇಲಿಯನ್ (Australia) ಪಾಸ್ಪೋರ್ಟ್ : ಆಸ್ಟ್ರೇಲಿಯನ್ ಪಾಸ್‌ಪೋರ್ಟ್ ಅನ್ನು ನವೀಕರಿಸಲು ಅಲ್ಲಿನ ನಾಗರಿಕರು 220 ಡಾಲರ್ ಅಂದರೆ ಸುಮಾರು 16981 ರೂಪಾಯಿ ಖರ್ಚು ಮಾಡಬೇಕಾಗುತ್ತದೆ. ವಿದೇಶದಲ್ಲಿ ವಾಸಿಸುವ ಆಸ್ಟ್ರೇಲಿಯನ್ ನಾಗರಿಕರಿಗೆ ಸಾಗರೋತ್ತರ ಸಂಸ್ಕರಣೆಯ ಹೆಚ್ಚುವರಿ ಶುಲ್ಕವೂ ಇದೆ. ಈ ಕಾರಣದಿಂದಾಗಿ ಯುಎಸ್ ನಲ್ಲಿ ವಾಸಿಸುವ ಆಸ್ಟ್ರೇಲಿಯಾದ ನಾಗರಿಕರಿಗೆ ಈ ವೆಚ್ಚವು 336 ಡಾಲರ್ ಅಂದ್ರೆ ಸುಮಾರು 26000 ರೂಪಾಯಿಯಾಗಿತ್ತದೆ.

ಲಿಚ್ಟೆನ್ಸ್ಟೈನ್ : ಲಿಚ್ಟೆನ್ಸ್ಟೈನ್ ಯುರೋಪ್‌ನಲ್ಲಿ ನಾಲ್ಕನೇ ಅತಿ ಚಿಕ್ಕ ದೇಶವಾಗಿದೆ ಮತ್ತು ಭೂಪ್ರದೇಶದಲ್ಲಿ ವಿಶ್ವದ ಆರನೇ ಚಿಕ್ಕ ದೇಶವಾಗಿದೆ. ಇಲ್ಲಿ ಹೊಸ ಪಾಸ್‌ಪೋರ್ಟ್‌ಗೆ ಶಿಪ್ಪಿಂಗ್ ಶುಲ್ಕ ಸೇರಿದಂತೆ ನಾಗರಿಕರಿಗೆ ಸುಮಾರು 260 ಡಾಲರ್ ವೆಚ್ಚವಾಗುತ್ತದೆ. ಅಂದರೆ, ಭಾರತೀಯ ಕರೆನ್ಸಿಯಲ್ಲಿ 20000 ರೂಪಾಯಿಗಳಿಗಿಂತ ಹೆಚ್ಚು.

ಕ್ಯೂಬಾ (Cuba) : ಕ್ಯೂಬಾದಲ್ಲಿ ಹೊಸ ಪಾಸ್‌ಪೋರ್ಟ್‌ಗಳಿಗೆ ಸುಮಾರು 105 ಡಾಲರ್ ಖರ್ಚು ಮಾಡ್ಬೇಕು. ಇದಲ್ಲದೆ ಪಾಸ್‌ಪೋರ್ಟ್ ನವೀಕರಣಕ್ಕೆ ಹೆಚ್ಚುವರಿ 21 ಡಾಲರ್ ವೆಚ್ಚವಾಗುತ್ತದೆ. 10 ವರ್ಷಗಳ ಕಾಲ ಕ್ಯೂಬನ್ ಪಾಸ್‌ಪೋರ್ಟ್ ಇಟ್ಟುಕೊಳ್ಳುವ ವೆಚ್ಚವು ಸುಮಾರು 270 ಡಾಲರ್ ಆಗುತ್ತದೆ. ಭಾರತೀಯ ಕರೆನ್ಸಿಯಲ್ಲಿ ಇದರ ಬೆಲೆ 20841 ರೂಪಾಯಿ.

ಸಿರಿಯನ್ ಪಾಸ್ಪೋರ್ಟ್ : ಸಿರಿಯಾದ ಹೊರಗೆ ವಾಸಿಸುವ ಸಿರಿಯನ್ ನಾಗರಿಕರು ಹೊಸ ಪಾಸ್‌ಪೋರ್ಟ್‌ಗಾಗಿ 300 ಡಾಲರ್ ಅಥವಾ ಸುಮಾರು 23148 ರೂಪಾಯಿಗಳನ್ನು ಖರ್ಚು ಮಾಡಬೇಕಾಗುತ್ತದೆ. 10 ವರ್ಷಗಳ ಕಾಲ ಸಿರಿಯನ್ ಪಾಸ್‌ಪೋರ್ಟ್ ಹೊಂದಲು ಕನಿಷ್ಠ 600 ಡಾಲರ್ ನೀಡಬೇಕು.

ಲೆಬನಾನ್ : ಲೆಬನಾನಿನ ನಿವಾಸಿಗಳಿಗೆ ಪಾಸ್‌ಪೋರ್ಟ್ ಅನ್ನು ನವೀಕರಿಸುವ ವೆಚ್ಚ ಸುಮಾರು 795 ಡಾಲರ್ ಆಗಿದೆ. ಭಾರತೀಯ ಕರೆನ್ಸಿಯಲ್ಲಿ ಇದು ಸುಮಾರು 61342 ರೂಪಾಯಿಗಳು. ಲೆಬನಾನ್‌ನ ಹೊರಗೆ ವಾಸಿಸುವ ನಾಗರಿಕರಿಗೆ ಈ ವೆಚ್ಚವು 600 ಆಗಿದೆ.

ಭಾರತದ ಪಾಸ್ಪೋರ್ಟ್ (Indian Passport) : ಭಾರತದ ನಾಗರೀಕರು ಹೊಸದಾಗಿ ಪಾಸ್ಪೋರ್ಟ್ ಪಡೆಯಲು 1500 – 2000 ರೂಪಾಯಿ ಪಾವತಿಸಬೇಕು. ಇದು ಬೇರೆ ಬೇರೆ ಸೇವೆಗಳಿಗೆ ಭಿನ್ನವಾಗಿರುತ್ತದೆ. 60 ಪೇಜ್ ನ ಬುಕ್ ಗೆ 2 ಸಾವಿರವಾದ್ರೆ 36 ಪೇಜಿನ ಪಾಸ್ಪೋರ್ಟ್ ಗೆ 1500 ರೂಪಾಯಿ ಶುಲ್ಕ ವಿಧಿಸಲಾಗುತ್ತದೆ.