ಆದರೆ, ಕೇಂದ್ರ ಸರ್ಕಾರ ಈಗ ಮತ್ತೊಂದು ಬಗೆಯಲ್ಲಿ ಜಿಎಸ್​ಟಿ ಏರಿಕೆಯ ಬರೆ ನೀಡಲು ಹೊರಟಿದೆ. ಪೆಟ್ರೋಲ್​ ಮತ್ತು ಡೀಸೆಲ್​ ತೆರಿಗೆ ಕಡಿತದಿಂದಾಗಿ ಆಗುವ ನಷ್ಟವನ್ನು ಭರಿಸಲು ಸರ್ಕಾರ ಈ ನಿರ್ಧಾವನ್ನು ತೆಗೆದುಕೊಂಡಿದೆ. ಆದರೆ, ಬಿಜೆಪಿಯೇತರ ಸರ್ಕಾರಗಳಿಗೆ ಆಗ್ರಹಿಸುವ ಕೇಂದ್ರ ಸರ್ಕಾರ ಮತ್ತೊಂದು ವಿಧದಲ್ಲಿ ಬರೆ ಎಳೆಯಲು ಏಕೆ ಹೊರಟಿದೆ. ರಾಜ್ಯ ಸರ್ಕಾರಗಳು ತಮ್ಮ ನಷ್ಟವನ್ನು ಯಾವ ರೂಪದಲ್ಲಿ ಭರಿಸಿಕೊಳ್ಳ ಬೇಕು. ಮತ್ತೊಂದೆಡೆ ರಾಜ್ಯಗಳ ಜಿಎಸ್​ಟಿ ಪಾಲನ್ನೇ ಸರಿಯಾಗಿ ಭರಿಸದೆ, ಸಾಲ ಮಾಡಿಕೊಳ್ಳಿ ಎನ್ನುವ ಕೇಂದ್ರ ಸರ್ಕಾರ ಸರಿಯಾದ ಸಮಯಕ್ಕೆ ಏಕೆ ಪೂರ್ಣ ಮೊತ್ತದ ಜಿಎಸ್​ಟಿ ಪಾಲನ್ನು ಭರಿಸುವುದಿಲ್ಲ.

ಹೊಸದಾಗಿ ಹೇರಲಾದ ಹೆಚ್ಚುವರಿ ತೆರಿಗೆ 2022ರ ಜನವರಿ 1ರಿಂದ ಜಾರಿಗೆ ಬರಲಿದೆ. ಏತನ್ಮಧ್ಯೆ, ಬಟ್ಟೆ ತಯಾರಕರ ಸಂಘ (ಸಿಎಂಎಐ) ಸರ್ಕಾರದ ಈ ನಿರ್ಧಾರದ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ. ಜಿಎಸ್‌ಟಿ ಹೆಚ್ಚಿಸುವ ಸರ್ಕಾರದ ನಿರ್ಧಾರದಿಂದ ತೀವ್ರ ನಿರಾಶೆಯಾಗಿದೆ ಎಂದು ಸಿಎಂಎಐ ಹೇಳಿದೆ. ಈ ಹೆಚ್ಚಳವು ಈಗಾಗಲೇ ದಿವಾಳಿ ಎದುರಿಸಿರುವ ಉದ್ಯಮದ ಮೇಲೆ ಕೆಟ್ಟ ರೀತಿಯಲ್ಲಿ ಪರಿಣಾಮ ಬೀರುತ್ತದೆ ಎಂದು ತಯಾರಕರ ಸಂಘವು ಹೇಳಿದೆ. ಜವಳಿ ಉದ್ಯಮವು ಈಗಾಗಲೇ ಕಚ್ಚಾ ವಸ್ತುಗಳ ಬೆಲೆ ಏರಿಕೆಯೊಂದಿಗೆ ಹಣದುಬ್ಬರದ ಒತ್ತಡದಲ್ಲಿದೆ.