ಹಾಸನ: ಬೇಲೂರು ತಾಲೂಕಿನ ಕಲ್ಲಳ್ಳಿ ಭಾಗಗಳಲ್ಲಿ ಆತಂಕ ಹುಟ್ಟಿಸಿದ್ದ ಚಿರತೆಯನ್ನು ಅರವಳಿಕೆ ಚುಚ್ಚುಮದ್ದು ನೀಡಿ ಸೆರೆ ಹಿಡಿಯಲಾಗಿದೆ.
ಸೆರೆಯಾದ ಗಂಡು ಚಿರತೆ ಕಳೆದ ನಾಲ್ಕೈದು ವರ್ಷದಿಂದ ಕಲ್ಲಳ್ಳಿ ಅರಣ್ಯ ಪ್ರದೇಶದ ಸುತ್ತಮುತ್ತಲ ಗ್ರಾಮದ ಜನರಲ್ಲಿ ಆತಂಕ ಹುಟ್ಟಿಸಿತ್ತು. ಹಲವು ಬಾರಿ ಬೋನು ಇಟ್ಟರು ಬೀಳದ ಚಿರತೆ ಗ್ರಾಮಗಳಿಗೆ ನುಗ್ಗಿ ದನ, ಕರು, ಕುರಿ ಹಾಗೂ ನಾಯಿಗಳನ್ನು ಹೊತ್ತೊಯ್ದು ತಿಂದು ಹಾಕುತ್ತಿತ್ತು.ಈ ಹಿನ್ನೆಲೆಯಲ್ಲಿ ಗ್ರಾಮಸ್ಥರು ಚಿರತೆ ಸೆರೆಹಿಡಿಯುವಂತೆ ಅರಣ್ಯ ಇಲಾಖೆಗೆ ಒತ್ತಾಯಿಸಿದ್ದರು.