ಬೆಂಗಳೂರು ( ಡಿ.10): ಮಹಿಳೆಯನ್ನು ಈಗಲೂ ತನ್ನ ಕೈಗೊಂಬೆಯಂತೆಯೇ ನೋಡಿಕೊಳ್ಳುವ ಹಲವು ಪರುಷರಿದ್ದಾರೆ. ಆದರೆ, ಸಮಾಜದ ಎಲ್ಲ ಕಟ್ಟಳೆಗಳು ಹಾಗೂ ಮಿತಿಗಳನ್ನು ಮೀರಿ ಇಲ್ಲೊಬ್ಬ ತನ್ನ ಪತ್ನಿಯನ್ನು ಗೆಳೆಯರೊಂದಿಗೆ ಮಲಗಿಸಿ ವೀಡಿಯೋ ಮಾಡಿ ವಿಕೃತಿ ಮೆರೆಯುತ್ತಿದ್ದ ಸೈಕೋಪಾತ್‌ ಗಂಡನ ಪುಂಡಾಟ ಬಯಲಾಗಿದೆ. ಹಿಂಸೆಯನ್ನು ತಾಳಲಾರದೇ ಗಂಡನ ವಿರುದ್ಧ ಪತ್ನಿ ದೂರು ನೀಡಿದ್ದಾಳೆ. ತನ್ನ ಗಂಡ ಇನ್ನೂ ಹಲವು ಸೈಕೋಪಾತ್‌ ಚಟುವಟಿಕೆ ನಡೆಸುತ್ತಿದ್ದ ಬಗ್ಗೆ ಪೊಲೀಸರ ಮುಂದೆ ಪತ್ನಿ ಹೇಳಿಕೊಂಡಿದ್ದಾಳೆ.

ನಾಡಿನ ಪುರುಷ ಸಮಾಜವೇ ತಲೆ ತಗ್ಗಿಸುವ ನೀಚ ಕಾರ್ಯ ಮಾಡುತ್ತಿದ್ದ ಬೆಂಗಳೂರಿನಲ್ಲೊಬ್ಬ ಸೈಕೋಪಾಥ್ (Psychopath) ಮಾದಕವ್ಯಸನಿ ಗಂಡನ ಪುಂಡಾಟ ಬಟಾ ಬಯಲಾಗಿದೆ. ಪತ್ನಿಯನ್ನ ಗೆಳೆಯರೊಂದಿಗೆ ಮಲಗಿಸಿ ವಿಡಿಯೋ (Video) ಚಿತ್ರಿಕರಿಸಿ ವಿಕೃತಿ ಮೆರೆಯುತ್ತಿದ್ದನು. ಸಂಪಿಗೆಹಳ್ಳಿ ನಿವಾಸಿಯಾಗಿರೋ ಜಾನ್ ಪಾಲ್  (Janpal) ಎಂಬ ಸೈಕೋಪಾಥ್ ಗಂಡನಿಂದ ಈ ಹಿಂಸಾತ್ಮಕ ಕೃತ್ಯ ನಡೆಯುತ್ತಿತ್ತು. 2011 ರ ಏಪ್ರಿಲ್ ನಲ್ಲಿ ಜಾನ್ ಪಾಲ್ ಅವರನ್ನು ಮಹಿಳಾ ಟೆಕ್ಕಿ ವಿವಾಹವಾಗಿದ್ದಳು. ಮೊದಲ ನಾಲ್ಕು ವರ್ಷಗಳು ಚೆನ್ನಾಗಿಯೇ ಸಂಸಾರ ಮಾಡಿಕೊಂಡಸಿದ್ದುಯ, ನಂತರ 2015 ರಿಂದ ಆರೋಪಿ ಪತಿ ಜಾನ್ ಪಾಲ್ ತನ್ನ ವಿಕೃತಿ ಶುರು ಮಾಡಿದ್ದನು ಎಂದು ಪತ್ನಿ ದೂರಿನಲ್ಲಿ ತಿಳಿಸಿದ್ದಾರೆ.