ಬೈಂದೂರು: ಒತ್ತಿನೆಣೆ ಬೇರು ಎಂಬಲ್ಲಿ ಕಾರು ಸಂಪೂರ್ಣ ಸುಟ್ಟು ಭಸ್ಮವಾಗಿ ಪತ್ತೆ ಪ್ರಕರಣದ ತನಿಖೆ ಹಾದಿ ದಿನಕ್ಕೊಂದು ತಿರುವು ಪಡೆಯುತ್ತಿದೆ. 

ಸುಟ್ಟು ಹೋದ ಕಾರಿನ ಚೆಸ್ಸಿ (chassis) ನಂಬರ್ ನ್ನು ಫೊರೆನ್ಸಿಕ್ ತಜ್ಞರ ಸಹಾಯದಿಂದ ಸ್ವಚ್ಛಗೊಳಿಸಲಾಗಿದ್ದು, ಚೆಸ್ಸಿ ನಂಬರ್ ಮೂಲಕ ಮಾಲಕನನ್ನು ಪತ್ತೆ ಮಾಡಲಾಗಿದೆ. ಕಾರಿನ ನಂಬರಿನ ಆಧಾರದ ಮೇಲೆ ಕಾರಿನ ಮಾಲಕನನ್ನು ಕಾರ್ಕಳ ತಾಲೂಕಿನ ಮಾಳ ಗ್ರಾಮದ ನಿವಾಸಿ ಸದಾನಂದ ಶೇರೆಗಾರ್ ಎಂದು ಗುರುತಿಸಲಾಗಿದೆ. ಈತ ಶಿರ್ವದ ಮಂಚಕಲ್ ನಲ್ಲಿ ಫ್ಲ್ಯಾಟ್ ಹೊಂದಿದ್ದಾನೆನನ್ನಲಾಗಿದೆ. ಆದರೆ ಆತ ನಾಪತ್ತೆಯಾಗಿರುವ ಬಗ್ಗೆಯಾಗಲೀ, ಆತನ ಕಾರು ನಾಪತ್ತೆಯಾಗಿರುವ ಬಗ್ಗೆಯಾಗಲೀ ಯಾವುದೇ ಪ್ರಕರಣ ದಾಖಲಾಗದೇ ಇರುವುದು ಹಲವು ಅನುಮಾನಗಳಿಗೆ ಕಾರಣವಾಗಿದೆ.