ಇನ್ನೂ ವಿಶೇಷವೆಂದರೆ ಕನ್ನಡ, ತೆಲುಗು, ಮಲಯಾಳಂ ಮತ್ತು ತೆಲುಗು ಭಾಷೆಗಳಲ್ಲೂ ‘83’ ಬಿಡುಗಡೆಯಾಗಲಿದೆ. ಕನ್ನಡದಲ್ಲಿ ಕಿಚ್ಚ ಸುದೀಪ ಜವಾಬ್ದಾರಿ ಹೊತ್ತಿದ್ದು ಚಿತ್ರದ ಮೇಲಿನ ಭರವಸೆ ಇನ್ನಷ್ಟು ಹೆಚ್ಚಿಸಿದೆ.

ಬಿಡುಗಡೆಯಾದ ಕೆಲವು ಗಂಟೆಗಳಲ್ಲಿ 10 ಲಕ್ಷಕ್ಕೂ ಹೆಚ್ಚು ಯೂಟ್ಯೂಬ್ ವೀಕ್ಷಣೆಯಾಗುವುದು ಸುಲಭದ ಮಾತಲ್ಲ, ಹಾಗೊಂದು ಕಾರ್ಯಸಿದ್ಧಿಯಾಗುತ್ತದೆ ಎಂದರೆ ಅದರ ಹಿಂದೆ ಬಲವಾದ ಅಂಶವೊಂದು ಇರಲೇಬೇಕು. ಅದೇ 1983ರಲ್ಲಿ ಭಾರತ ಕ್ರಿಕೆಟ್ ತಂಡ ವಿಶ್ವಕಪ್ ಗೆಲುವು. ಭಾರತದ ಕ್ರಿಕೆಟ್ ವಿಶ್ವಕಪ್ ಗೆಲುವನ್ನು ಇಟ್ಟುಕೊಂಡು ರಣವೀರ್ ಸಿಂಗ್ ಕಪ್ತಾನ ಕಪಿಲ್ ದೇವ್ ಆಗಿ ಕಾಣಿಸಿಕೊಂಡ ಸಿನಿಮಾ 83ಯ ಟ್ರೇಲರ್ ಬಿಡುಗಡೆಯಾಗಿದೆ. ಇದೇ ಕೆಲವು ಗಂಟೆಗಳಲ್ಲಿ ಅದ್ಭುತ ಎನ್ನುವ ಮಟ್ಟಿಗೆ ವೀಕ್ಷಣೆ ಗಳಿಸಿದ ಟ್ರೇಲರ್.
ಭಾರತ ವಿಶ್ವಕಪ್ ಗೆಲುವು ಸಹಜವಾಗಿ ದೇಶವಾಸಿಗಳ ಎದೆಬಡಿತವನ್ನು ವೇಗಗೊಳಿಸುತ್ತದೆ. ಅಂದರೆ ರೋಮಾಂಚನ ಹೆಚ್ಚುತ್ತದೆ. ಈ ಜಮಾನಾದ ನಮಗೇ 1983ರ ಗೆಲುವು ಈ ರೋಚಕತೆ ಉಂಟುಮಾಡುವಾಗ ಅಂದು ಹರೆಯದಲ್ಲಿದ್ದವರಿಗೆ ಆ ಅನುಭವ ಎಷ್ಟು ಉತ್ಕಟವಾಗಿರಬೇಡ?! ಟ್ರೇಲರ್ ಸಹ ಅಷ್ಟೇ ಉತ್ಕಟವಾಗಿದೆ. ನೀವೂ ಒಮ್ಮೆ ಟ್ರೇಲರ್ ನೋಡಿ.