ಶಮಿ ಬದುಕಿಗೆ ಮದುವೆಯೇ ಮುಳುವಾಯ್ತಾ?
ಕ್ರಿಕೆಟ್ ಪಿಚ್ ನಲ್ಲಿ ಶಮಿ ಇದ್ದರೆ ಅಲ್ಲಿ ಗೆಲುವು ಗ್ಯಾರಂಟಿ. ಸಾಕಷ್ಟು ಬಾರಿ ಸೋಲಿನ ದವಡೆಯಿಂದ ಟೀಮ್ ಇಂಡಿಯಾವನ್ನು ಪಾರು ಮಾಡಿದ್ದಾರೆ ಮೊಹಮ್ಮದ್ ಶಮಿ. ಕ್ರಿಕೆಟ್ ಪ್ರೇಮಿಗಳ ಸಂಭ್ರಮಕ್ಕೆ ಕಾರಣವಾಗುತ್ತಿರುವ ಶಮಿ ಖಾಸಗಿ ಬದುಕಿನಲ್ಲಿ ನಿಜಕ್ಕೂ ಸಂಭ್ರಮವಿಲ್ಲ. ಇಂಥದ್ದೊಂದು ಸಂಭ್ರಮವನ್ನು ಒಅವರಿಂದ ಕಿತ್ತುಕೊಂಡಿದ್ದು ಅವರ ಮದುವೆ ಎನ್ನುವುದು ಸುಳ್ಳಲ್ಲ.

ಅಷ್ಟಕ್ಕೂ ಶಮಿ ಮದುವೆಯಾದ ಹುಡುಗಿ ಬೇರೆ ಯಾರೂ ಅಲ್ಲ, ಇದೇ ಕ್ರಿಕೆಟ್ ಪಂದ್ಯ ಆಡುವಾಗ ಚೀರ್ ಲೀಡರ್ ಆಗಿ ಕೆಲಸ ಮಾಡುತ್ತಿದ್ದವರು. ಶಮಿ ಮದುವೆಯಾದ ಹುಡುಗಿಯ ಹೆಸರು ಹಸೀನ್ ಜಹಾನ್. ಮೂಲತಃ ಕೋಲ್ಕತ್ತಾ ನಿವಾಸಿ. 10ನೇ ತರಗತಿಯಲ್ಲಿರುವಾಗ ಕಿರಾಣಿ ಅಂಗಡಿಯ ಮಾಲೀಕರೊಬ್ಬರ ಜೊತೆ ಇವರ ಮದುವೆಯಾಗಿತ್ತು. ಈ ಜೋಡಿಗೆ ಎರಡು ಹೆಣ್ಣು ಮಕ್ಕಳು ಕೂಡ ಇದ್ದರು. ಗಂಡನೊಂದಿಗಿನ ಮನಸ್ತಾಪದಿಂದಾಗಿ ಡಿವೋರ್ಸ್ ಪಡೆದರು. 2012ರಲ್ಲಿ ಶಮಿ ಟೀಂ ಇಂಡಿಯಾ ಸೇರಲು ಕಸರತ್ತು ನಡೆಸಿದ್ದರು. ಇದೇ ವೇಳೆ ವೃತ್ತಿಯಲ್ಲಿ ಮಾಡೆಲ್ ಆಗಿದ್ದ ಹಸೀನ್, ಕೋಲ್ಕತಾ ನೈಟ್ ರೈಡರ್ಸ್ ಚೀರ್ ಲೀಡರು. ಐಪಿಎಲ್ ಲೀಗ್ ವೇಳೆ ಇಬ್ಬರ ಭೇಟಿ ಆಯಿತು. ಶಮಿ ಮತ್ತು ಹಸೀನ್ ಫ್ರೆಂಡ್ಸ್ ಆದರು. ಈ ಗೆಳೆತನ ಹಲವು ದಿನಗಳ ನಂತರ ಪ್ರೇಮಕ್ಕೆ ತಿರುಗಿತು. ಇಬ್ಬರ ನಡುವೆ 13 ವರ್ಷಗಳ ಅಂತರವಿದ್ದರೂ. ಕೆಲ ವರ್ಷಗಳ ಕಾಲ ಒಟ್ಟಿಗೆ ಬದುಕಿದರು. ಇಬ್ಬರೂ ಕುಟುಂಬದಲ್ಲಿ ಒಪ್ಪಿಸಿ ಮದುವೆಯಾದರು. ಈ ಜೋಡಿಗೂ ಒಂದು ಪುಟಾಣಿ ಹೆಣ್ಣು ಮಗುವಾಯಿತು. ಮದುವೆಯಾದ ನಾಲ್ಕೇ ನಾಲ್ಕು ವರ್ಷಕ್ಕೆ ಶಮಿ ಮತ್ತು ಹಸೀನ್ ಬದುಕಿನಲ್ಲಿ ಬಿರುಕಿನ ಬಿರುಗಾಳಿ ಎದ್ದಿತು.