ಇದು ಸದ್ಯದ ಕರ್ನಾಟಕ ವಿಧಾನಸಭೆ ಸ್ಥಿತಿಯನ್ನೇ ಹೋಲುತ್ತಿದೆ ಎಂದು ಅನೇಕರು ಸಾಮಾಜಿಕ ಜಾಲತಾಣದಲ್ಲಿ ಟೀಕಿಸಿದ್ದಾರೆ. ಕರ್ನಾಟಕದಲ್ಲಿ ಹೊಸ ಸರಕಾರ ರಚನೆಯಾಗಿ ಐದು ತಿಂಗಳಾಗಿದ್ದರೂ, ಇನ್ನೂ ಕೂಡ ಪ್ರತಿಪಕ್ಷ ನಾಯಕನ ಆಯ್ಕೆಯಾಗಿಲ್ಲ. ರಾಜ್ಯದ ನಾಯಕರು ಬಿಜೆಪಿ ಹೈಕಮಾಂಡ್‌ನಿಂದ ಹಸಿರು ನಿಶಾನೆಗೆ ಕಾದುಕುಳಿತಿದ್ದಾರೆ.

ಬೌರಿ ಅವರು ಬೊಕಾರೊ ಜಿಲ್ಲೆಯ ಚಂದಂಕಿಯಾರಿ ವಿಧಾನಸಭೆ ಮೀಸಲು ಕ್ಷೇತ್ರದ ಶಾಸಕರಾಗಿದ್ದಾರೆ. ಇವರಿಗೆ ಜಾರ್ಖಂಡ್‌ನ ಮೊದಲ ಸಿಎಂ ಬಾಬುಲಾಲ್‌ ಮರಾಂಡಿ ಅವರು ಪ್ರತಿಸ್ಪರ್ಧಿಯಾಗಿದ್ದರು. ಆದರೆ 10ನೇ ಪರಿಚ್ಛೇದ ಅಡಿಯಲ್ಲಿ ಅವರ ವಿರುದ್ಧ ಅನರ್ಹತೆಯ ಅರ್ಜಿಯ ಸಲ್ಲಿಕೆಯಾಗಿದ್ದು, ಅದನ್ನು ಸ್ಪೀಕರ್‌ ಟ್ರಿಬ್ಯೂನಲ್‌ ಇನ್ನೂ ತೀರ್ಮಾನಿಸದ ಕಾರಣ ಮರಾಂಡಿ ಅವರಿಗೆ ಪ್ರತಿಪಕ್ಷ ನಾಯಕನ ಸ್ಥಾನಮಾನ ನೀಡಲಾಗಿಲ್ಲ. ಪರಿಶಿಷ್ಟ ಜಾತಿಯ ನಾಯಕ ಬೌರಿ ಅವರನ್ನು ಶಾಸಕಾಂಗ ಪಕ್ಷದ ನಾಯಕರನ್ನಾಗಿ ಆಯ್ಕೆ ಮಾಡುವುದರೊಂದಿಗೆ, ಆದಿವಾಸಿ-ದಲಿತರು- ಒಬಿಸಿಗಳ ಸಮುದಾಯಗಳ ಓಲೈಕೆಗೆಗೆ ಮುಂದಾಗಿದೆ ಎಂದು ಆಡಳಿತಾರೂಢ ಜೆಎಂಎಂ ಆರೋಪಿಸಿದೆ.