ನೌಕೆ ಎಲ್ಲಿ ಇದೆ ಎಂಬುದನ್ನು ಪತ್ತೆ ಮಾಡಲು ಹಾಗೂ ಸಂಪರ್ಕಿಸಲು ಆಗಸ್ಟ್ 19 ಮತ್ತು 20ರಂದು ತೆಗೆದುಕೊಂಡ ಕ್ರಮಗಳು ವಿಫಲವಾಗಿದ್ದವು. ನೌಕೆಯ ಲ್ಯಾಂಡರ್ ಪತನಕ್ಕೆ ಕಾರಣಗಳು ಏನು ಎಂದು ತಿಳಿಯಲು ತನಿಖೆ ಆರಂಭಿಸಲಾಗುವುದು ಎಂದು ಬಾಹ್ಯಾಕಾಶ ಸಂಸ್ಥೆ ತಿಳಿಸಿದೆ. ಯಾವ ರೀತಿಯ ತಾಂತ್ರಿಕ ಸಮಸ್ಯೆ ಉಂಟಾಗಿರಬಹುದು ಎಂಬ ಯಾವುದೇ ಸುಳಿವನ್ನು ಸಂಸ್ಥೆ ನೀಡಿಲ್ಲ.ಲೂನಾ- 25 ಚಂದ್ರಯಾನ ಮಿಷನ್‌ನೊಂದಿಗೆ ರಷ್ಯಾವು ಸೋವಿಯತ್ ಕಾಲದ ಬಾಹ್ಯಾಕಾಶ ಸಾಧನೆಗಳ ಪರಂಪರೆಯ ಕಾರ್ಯಕ್ರಮಕ್ಕೆ ಮತ್ತೆ ಚಾಲನೆ ನೀಡಿತ್ತು. ಉಕ್ರೇನ್ ಮೇಲಿನ ಯುದ್ಧದ ಕಾರಣ ಪಾಶ್ಚಿಮಾತ್ಯ ದೇಶಗಳಿಂದ ನಿರ್ಬಂಧಗಳಿಗೆ ಒಳಗಾಗಿರುವ ರಷ್ಯಾ, ಈ ಎಲ್ಲ ಬಿಕ್ಕಟ್ಟುಗಳ ನಡುವೆಯೇ 47 ವರ್ಷಗಳ ಬಳಿಕ ತನ್ನ ಸ್ವತಂತ್ರ ಚಂದ್ರ ಅಧ್ಯಯನ ಯೋಜನೆಗೆ ವಾಪಸಾಗಿತ್ತು.