ಹಿಂದೆಲ್ಲಾ ವಾಚ್​ಗಳನ್ನೂ (Watch) ಕೇವಲ ಸಮಯವನ್ನು ನೋಡುವ ಕಾರಣಕ್ಕಾಗಿ ಬಳಸುತ್ತಿದ್ದರು. ಆದರೆ ಈಗ ಇದೇ ಒಂದು ಟ್ರೆಂಡ್ ಆಗಿಬಿಟ್ಟಿದೆ. ಇತ್ತೀಚೆಗೆ ಟೆಕ್​ ಮಾರುಕಟ್ಟೆಯಲ್ಲಿ ಸ್ಮಾರ್ಟ್​​ಫೋನ್​ಗಳಿಗಿಂತಲೂ ಸ್ಮಾರ್ಟ್​​ವಾಚ್​ (Smartwatch)ಗಳ  ಹಾವಳಿಯೇ ಜೋರಾಗಿದೆ. ಕಲರ್​ಫುಲ್​ ಸ್ಮಾರ್ಟ್​​ವಾಚ್​ಗಳನ್ನು ಕಂಪೆನಿಗಳು ಮಾರುಕಟ್ಟೆಯಲ್ಲಿ ಅನಾವರಣ ಮಾಡುತ್ತಿದೆ. ಇದಕ್ಕೆ ಆಕರ್ಷಿತರಾಗಿ ಜನರು ಸ್ಮಾರ್ಟ್​​ವಾಚ್​ಗಳನ್ನೇ ಕೊಳ್ಳಲು ಮುಂದಾಗುತ್ತಾರೆ. ಹಿಂದಿನಿಂದಲ್ಲೂ ವಾಚ್​ಗಳನ್ನು ಉತ್ಪಾದನೆ ಮಾಡುವಲ್ಲಿ ಜನಪ್ರಿಯತೆಯನ್ನು ಪಡೆದಿರುವ ಕಂಪೆನಿಯೆಂದರೆ ಫಾಸ್ಟ್ರಾಕ್​ ಕಂಪೆನಿ (Fastrack Comapny). ಈ ಕಂಪೆನಿ ಹೊಸ ಹೊಸ ವಾಚ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸುವ ಮೂಲಕ ಅತೀಹೆಚ್ಚು ಗ್ರಾಹಕರನ್ನು ಹೊಂದಿದ ಕಂಪೆನಿ ಇದಾಗಿದೆ. ಇದೀಗ ಈ ಕಂಪೆನಿ ಹೊಸ ಸ್ಮಾರ್ಟ್​ವಾಚ್ ಅನ್ನು ಲಾಂಚ್ ಮಾಡಲು ಮುಂದಾಗಿದೆ.

ಜನಪ್ರಿಯ ವಾಚ್​ ತಯಾರಿಕಾ ಕಂಪೆನಿಯಾಗಿರುವ ಫಾಸ್ಟ್ರಾಕ್​ ಕಂಪೆನಿ ಮಾರುಕಟ್ಟೆಗೆ ಇತ್ತೀಚೆಗೆ ಹೊಸ ಮಾದರಿಯ ಸ್ಮಾರ್ಟ್​​ವಾಚ್ ಒಂದನ್ನು ಪರಿಚಯಿಸಿದೆ. ಇದಕ್ಕೆ ರಿಫ್ಲೆಕ್ಸ್​ ಬೀಟ್+ ಎಂದು ಹೆಸರಿಸಲಾಗಿದೆ. ಈ ಸ್ಮಾರ್ಟ್​​ವಾಚ್​ ಇದುವರೆಗೆ ಬಿಡುಗಡೆಯಾಗಿರುವ ಉತ್ಪನ್ನಗಳಿಗಿಂತ ಭಿನ್ನ ಮಾದರಿಯಲ್ಲಿದ್ದು, ಸಾಕಷ್ಟು ಫೀಚರ್ಸ್​ಗಳನ್ನು ಇದು ಹೊಂದಿದೆ.

ಫಾಸ್ಟ್ರಾಕ್​ ರಿಫ್ಲೆಕ್ಸ್​ ಬೀಟ್​+ ಸ್ಮಾರ್ಟ್​ವಾಚ್ ಫೀಚರ್ಸ್​

ಫಾಸ್ಟ್ರಾಕ್​​ ಕಂಪೆನಿಯ ಈ ಹೊಸ ಸ್ಮಾರ್ಟ್‌ವಾಚ್ 1.69 ಇಂಚಿನ ಅಲ್ಟ್ರಾ ವಿಯು ಡಿಸ್‌ಪ್ಲೇ ಆಯ್ಕೆಯೊಂದಿಗೆ ಬಿಡುಗಡೆಯಾಗಿದೆ. ಈ ಡಿಸ್​ಪ್ಲೇಯು 60hz ರಿಫ್ರೆಸ್‌ ರೇಟ್‌ ಹಾಗೂ 500 ನಿಟ್ಸ್​ ಬ್ರೈಟ್‌ನೆಸ್ ಸಾಮರ್ಥ್ಯವನ್ನು ಪಡೆದುಕೊಂಡಿದೆ. ಈ ಮೂಲಕ ಯಾವುದೇ ಸಮಯದಲ್ಲೂ ಸಹ ನೀವು ಈ ವಾಚ್‌ ಅನ್ನು ಬಳಕೆ ಮಾಡಬಹುದಾಗಿದೆ.