ನವದೆಹಲಿ (ಮೇ 17): 5G ನೆಟ್‌ವರ್ಕ್ ಶೀಘ್ರದಲ್ಲೇ ಭಾರತದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ ಮತ್ತು ದೇಶವು ಈಗಾಗಲೇ 6Gಗಾಗಿ ಕೆಲಸ ಮಾಡಲು ಪ್ರಾರಂಭಿಸಿದೆ ಎಂದು ತೋರುತ್ತದೆ. ಈ ದಶಕದ ಅಂತ್ಯದ ವೇಳೆಗೆ 6G ನೆಟ್‌ವರ್ಕ್ ಭಾರತಕ್ಕೆ ಬರಲಿದೆ ಎಂದು ಭಾರತ ಸರ್ಕಾರ ಇಂದು ಘೋಷಿಸಿದೆ. ಹೀಗಾಗಿ ಭಾರತದಲ್ಲಿ 2030ರ  ವೇಳೆಗೆ ಅತ್ಯಂತ ವೇಗದ 6G ನೆಟ್‌ವರ್ಕ್ ಭಾರತದಲ್ಲಿ ಬಿಡುಗಡೆಯಾಗಬಹುದು. 

2030 ರ ವೇಳೆಗೆ ಭಾರತದಲ್ಲಿ 6G ನೆಟ್‌ವರ್ಕ್: ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ (ಟ್ರಾಯ್)  ಬೆಳ್ಳಿಹಬ್ಬದ ಸಂಭ್ರಮಾಚರಣೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ, ಟಾಸ್ಕ್ ಫೋರ್ಸ್ ಈಗಾಗಲೇ 6G ನೆಟ್‌ವರ್ಕ್‌ನ ಬಿಡುಗಡೆ ನಿಟ್ಟಿನಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದೆ ಎಂದು ಹೇಳಿದರು. 5G ಮತ್ತು 6G ನೆಟ್‌ವರ್ಕ್‌ಗಳ ಪ್ರಾರಂಭವು ಜನರಿಗೆ ವೇಗವಾದ ಇಂಟರ್ನೆಟ್ ವೇಗವನ್ನು ನೀಡುವುದಲ್ಲದೆ ಹೆಚ್ಚಿನ ಉದ್ಯೋಗಗಳನ್ನು ಸೃಷ್ಟಿಸಲು ಮತ್ತು ಆರ್ಥಿಕ ಪ್ರಗತಿಗೆ ಉತ್ತೇಜನವನ್ನು ನೀಡುತ್ತದೆ ಎಂದು ಪ್ರಧಾನಿ ಹೇಳಿದರು.