ತೆಲಂಗಾಣದ (Telangana) ಕಾಮರೆಡ್ಡಿ ಜಿಲ್ಲೆಯಲ್ಲಿ (Kamareddy District) 30 ಗಂಟೆಗಳಿಗೂ ಹೆಚ್ಚು ಕಾಲ (ಸುಮಾರು ಒಂದೂವರೆ ದಿನ) ವ್ಯಕ್ತಿಯೊಬ್ಬ ಗುಹೆಯೊಳಗೆ (Cave) ಸಿಲುಕಿದ್ದಾನೆ. ಗುಹೆಯೊಳಗೆ ಸಿಲುಕಿರುವ ವ್ಯಕ್ತಿಯನ್ನು ರಕ್ಷಿಸಲು ಅಧಿಕಾರಿಗಳು ರಕ್ಷಣಾ ಕಾರ್ಯಾಚರಣೆ (Rescue Operation) ನಡೆಸುತ್ತಿದ್ದಾರೆ. 2 ಬಂಡೆಗಳ (Boulders) ನಡುವೆ ರೂಪುಗೊಂಡ ಗುಹೆಯಿಂದ ಆತನನ್ನು ರಕ್ಷಿಸಲು ರಕ್ಷಣಾ ಅಧಿಕಾರಿಗಳು ಜೆಸಿಬಿ (JCB) ಯಂತ್ರದ ಮೊರೆ ಹೋಗಿದ್ದು, ಗುಹೆಯಿಂದ ಹೊರಗೆ ತೆಗೆಯಲು ಹರಸಾಹಸ ಪಡುತ್ತಿದ್ದಾರೆ. 

ರೆಡ್ಡಿಪೇಟ್ ಗ್ರಾಮದಲ್ಲಿ (Reddypet Village) ಸಿಕ್ಕಿಬಿದ್ದ ವ್ಯಕ್ತಿಯನ್ನು ರಾಜು ಎಂದು ಗುರುತಿಸಲಾಗಿದ್ದು, 2 ಬಂಡೆಗಳ ನಡುವೆ ರೂಪುಗೊಂಡ 15 ಅಡಿ ಆಳದ ಗುಹೆಯೊಳಗೆ ಸಿಕ್ಕಿಬಿದ್ದಿದ್ದಾರೆ. ತೆಲಂಗಾಣದ ಕಾಮರೆಡ್ಡಿ ಜಿಲ್ಲೆಯ ರಾಮರೆಡ್ಡಿ ಮಂಡಲದಲ್ಲಿ ಆತ 30 ಗಂಟೆಗಳಿಗೂ ಹೆಚ್ಚು ಕಾಲ ಸಿಕ್ಕಿಬಿದ್ದಿದ್ದಾರೆ ಎಂದು ತಿಳಿದುಬಂದಿದೆ. ರೆಡ್ಡಿ ಪೇಟ್‌ ಗ್ರಾಮದಿಂದ ಗಣಪುರ ತಾಂಡಾ ಮಾರ್ಗವಾಗಿ ಸಿಂಗರಾಯಪಲ್ಲಿ ಅರಣ್ಯ ಪ್ರದೇಶದಲ್ಲಿ ಮಂಗಳವಾರ ಸಂಜೆ ರಾಜು ಕಾಡಿನಲ್ಲಿ ಸುತ್ತಾಡಲು ತೆರಳಿದ್ದರು. ಈ ವೇಳೆ ಬಂಡೆಗಳ ಮೇಲೆ ನಡೆಯುತ್ತಿದ್ದಾಗ ರಾಜು ಬಂಡೆಗಳ ನಡುವಿನ ಗುಹೆಯೊಳಗೆ ಬಿದ್ದಿದ್ದಾರೆ ಎಂದು ಹೇಳಲಾಗಿದೆ.