ಬೆಂಗಳೂರು: ಬೈಎಲೆಕ್ಷನ್ ಚುನಾವಣಾ ಕಾವಿನ ಮಧ್ಯೆ ಕೈ ಹಾಗೂ ಕಮಲದ ನುಡವೆ ಟ್ವೀಟರ್​ ವಾರ್ ಜೋರಾಗಿದೆ. ಇನ್ನು ಪ್ರಧಾನಿ ಮೋದಿಯನ್ನು ಟೀಕಿಸೋ ಭರದಲ್ಲಿ ಕಾಂಗ್ರೆಸ್​ ಮಾಡಿದ್ದ ಹೆಬ್ಬೆಟ್ ಗಿರಾಕಿ ಟ್ವೀಟ್ ಸಾಕಷ್ಟು ವಿವಾದಕ್ಕೆ ಕಾರಣವಾಗಿತ್ತು. ಪ್ರಧಾನಿಯನ್ನು ಟೀಕಿಸಲು ಹೆಬ್ಬೆಟ್ಟಿನ ಪ್ರಯೋಗ ಮಾಡಿದ ಕೈ ಪಡೆ ತಪ್ಪಿನ ಅರಿವಾಗಿ ತಾನು ಬಳಸಿದ್ದ ಪದಗಳನ್ನು ಹಿಂಪಡೆದುಕೊಂಡಿದೆ.

ಈ ಬಗ್ಗೆ ಕಾಂಗ್ರೆಸ್ ರಾಜ್ಯ ಅಧ್ಯಕ್ಷ ಡಿಕೆ ಶಿವಕುಮಾರ್ ವಿಷಾದ ವ್ಯಕ್ತಪಡಿಸಿದ್ದಾರೆ. ಈ ಟ್ವೀಟ್ ಒಪ್ಪುವಂಥದ್ದಲ್ಲ ಎಂಬ ಅಂಶವನ್ನು ಹೇಳಿದ್ದಾರೆ ಅಲ್ಲದೆ ಕಾಂಗ್ರೆಸ್ ಸಾಮಾಜಿಕ ಜಾಲತಾಣ ಘಟಕವನ್ನು ಡಿಕೆಶಿ ತರಾಟೆಗೆ ತೆಗೆದುಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.

ಈ ಮೂಲಕ ಕಾಂಗ್ರೆಸ್ ಸಾಮಾಜಿಕ ಜಾಲತಾಣ ಘಟಕ ಡಿಕೆ ಶಿವಕುಮಾರ್ ಅವರಿಗೆ ಒಂದು ಹಂತದಲ್ಲಿ ಈ ರೀತಿಯ ಟ್ವೀಟ್ ಮಾಡಿ ಮುಜುಗರವನ್ನು ತಂದಿದೆ ಎನ್ನಲಾಗುತ್ತಿದೆ.