ವಿಶ್ವವನ್ನು ತಲ್ಲಣಗೊಳಿಸಿರುವ ಕೊರೊನಾ ವೈರಸ್ ನ ಹೊಸ ರೂಪಾಂತರವಾದ ಒಮಿಕ್ರಾನ್ ಭಾರತಕ್ಕೆ ಅಪ್ಪಳಿಸಿದೆ. ಕರ್ನಾಟಕದಲ್ಲಿ ಎರಡು ಪ್ರಕರಣಗಳು ವರದಿಯಾಗಿವೆ.
ಆರೋಗ್ಯ ಸಚಿವಾಲಯವು ಗುರುವಾರ ದೇಶದ ಕೊರೊನಾ ಪರಿಸ್ಥಿತಿಯ ಬಗ್ಗೆ ತನ್ನ ದೈನಂದಿನ ವಿವರಣೆಯಲ್ಲಿ ಈ ಬಗ್ಗೆ ಮಾಹಿತಿ ನೀಡಿದರು. ಸಚಿವಾಲಯದ ಪ್ರಕಾರ, ಈ ಹೊಸ ಕೊರೊನಾ ರೂಪಾಂತರದ 373 ಪ್ರಕರಣಗಳು ಸುಮಾರು 29 ದೇಶಗಳಲ್ಲಿ ವರದಿಯಾಗಿವೆ. ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯೂಹೆಚ್ಒ) ಇದನ್ನು ಕಾಳಜಿಯ ರೂಪಾಂತರ ಎಂದು ಘೋಷಿಸಿದೆ.
ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯೂಎಚ್ಒ) ನವೆಂಬರ್ 25 ರಂದು ದಕ್ಷಿಣ ಆಫ್ರಿಕಾದಿಂದ ಈ ಹೊಸ ಕೊರೊನಾ ರೂಪಾಂತರದ  ಬಗ್ಗೆ ಮೊದಲು ತಿಳಿದುಕೊಂಡಿತು. ಸಂಸ್ಥೆಯ ಪ್ರಕಾರ, ರೂಪಾಂತರದ ಮೊದಲ ಪ್ರಕರಣವನ್ನು ನವೆಂಬರ್ 9 ರಂದು ದೃಢಪಡಿಸಲಾಯಿತು. ನವೆಂಬರ್ 26 ರಂದು, ಡಬ್ಲ್ಯೂಹೆಚ್ಒ ಇದನ್ನು ಒಮೈಕ್ರಾನ್ ಎಂದು ಹೆಸರಿತು. ಮಾಹಿತಿ ಪ್ರಕಾರ ಆಸ್ಟ್ರೇಲಿಯಾ, ಆಸ್ಟ್ರಿಯಾ, ಬೆಲ್ಜಿಯಂ, ಬೋಟ್ಸ್ವಾನಾ, ಬ್ರೆಜಿಲ್, ಕೆನಡಾ, ಜೆಕ್ ಗಣರಾಜ್ಯ, ಡೆನ್ಮಾರ್ಕ್, ಫ್ರಾನ್ಸ್, ಜರ್ಮನಿ, ಹಾಂಗ್ ಕಾಂಗ್, ಇಸ್ರೇಲ್, ಇಟಲಿ, ಜಪಾನ್, ನೆದರ್ಲ್ಯಾಂಡ್ಸ್, ನೈಜೀರಿಯಾ, ನಾರ್ವೆ, ಪೋರ್ಚುಗಲ್, ಸೌದಿ ಅರೇಬಿಯಾ, ದಕ್ಷಿಣ ಆಫ್ರಿಕಾ, ದಕ್ಷಿಣ ಕೊರಿಯಾ, ಸ್ಪೇನ್, ಸ್ವೀಡನ್, ಯುಕೆ, ಯುಎಸ್ಎ ಮತ್ತು ಭಾರತದಲ್ಲಿ ಪ್ರಕರಣಗಳು ವರದಿಯಾಗಿವೆ.