ಅತ್ಯಂತ ವಿಚಿತ್ರ ಪ್ರಕರಣವೊಂದರಲ್ಲಿ ಬಿಹಾರದ ಮೋತಿಹಾರಿ ಎಂಬ ಪ್ರದೇಶದಲ್ಲಿ 40 ದಿನಗಳ ಪ್ರಾಯದ ಪುಟ್ಟ ಮಗುವಿನ ಹೊಟ್ಟೆಯಲ್ಲಿ ಭ್ರೂಣ ಪತ್ತೆಯಾಗಿದ್ದು ಅಚ್ಚರಿಗೆ ಕಾರಣವಾಗಿದೆ. ಕೆಲವು ದಿನಗಳ ಹಿಂದೆಯಷ್ಟೇ ಮೋತಿಹಾರದಲ್ಲಿರುವ ರಮಾನಿಯಾ ಮೆಡಿಕಲ್​ ಸೆಂಟರ್​​ಗೆ 40 ದಿನಗಳ ಮಗುವನ್ನು ಚಿಕಿತ್ಸೆಗೆಂದು ಕರೆ ತರಲಾಗಿತ್ತು.
ಮಗುವಿನ ಮೂತ್ರಪಿಂಡ ಇರುವ ಸ್ಥಳದಲ್ಲಿ ಊದಿಕೊಂಡಿದೆ ಎಂದು ಪೋಷಕರು ಹೇಳಿದ್ದರು. ಈ ಸಮಸ್ಯೆಯಿಂದಾಗಿ ಮಗುವಿಗೆ ಸರಿಯಾಗಿ ಮೂತ್ರ ವಿಸರ್ಜನೆ ಮಾಡಲು ಆಗುತ್ತಿರಲಿಲ್ಲ. ಹೀಗಾಗಿ ಮೂತ್ರಪಿಂಡದ ಭಾಗ ಏಕೆ ಊದಿಕೊಂಡಿದೆ ಎಂದು ವೈದ್ಯರು ಪರೀಕ್ಷೆಗೆ ಮುಂದಾಗಿದ್ದರು.ಆದರೆ ವೈದ್ಯರು ನಡೆಸಿದ ಪರೀಕ್ಷೆಯಲ್ಲಿ ಬೆಚ್ಚಿ ಬೀಳಿಸುವಂತಹ ಫಲಿತಾಂಶ ಹೊರಬಿದ್ದಿದೆ. ಗಂಡು ಮಗು ತಾಯಿಯ ಗರ್ಭದಲ್ಲಿ ಇದ್ದಾಗಲೇ ಮಗುವಿನ ಹೊಟ್ಟೆಯಲ್ಲಿ ಭ್ರೂಣವು ಬೆಳೆದುಕೊಂಡಿದೆ ಎಂದು ತಿಳಿದುಬಂದಿದೆ. ಈ ವಿಚಿತ್ರ ಪ್ರಕರಣದ ಬಗ್ಗೆ ಮಾತನಾಡಿದ ರಮಾನಿಯಾ ವೈದ್ಯಕೀಯ ಕೇಂದ್ರದ ವೈದ್ಯ ಓಮರ್​ ಟಬ್ರೇಜ್​, ಇದನ್ನು ವೈದ್ಯಕೀಯ ಭಾಷೆಯಲ್ಲಿ ಭ್ರೂಣದಲ್ಲಿನ ಭ್ರೂಣ ಎಂದು ಕರೆಯಲಾಗುತ್ತದೆ.