ಮಕ್ಕಳಿಗೆ ಆಸ್ತಿ ಮಾಡಿ ಇಡಬೇಡಿ ಬದಲಾಗಿ ಮಕ್ಕಳನ್ನೇ ಆಸ್ತಿಯನ್ನಾಗಿಸಿ. ಎಂಬ ಮಾತು ಹಲವಾರು ವರ್ಷಗಳಿಂದ ಪ್ರಚಲಿತದಲ್ಲಿದೆ. ಇದೇ ಮಾತನ್ನು ಇತ್ತೀಚೆಗೆ ತಮ್ಮ ಹೇಳಿಕೆಗಳಿಂದಲೇ ಅತೀ ಹೆಚ್ಚು ಪ್ರಚಲಿತದಲ್ಲಿರುವ ರೇಮಂಡ್ ಗ್ರೂಪ್ ನ ಮಾಜಿ ಛೇರ್ಮನ್ ವಿಜಯಪತ್ ಸಿಂಘನಿಯ ಅವರು ಪುನರುಚ್ಚಿಸಿರಿಸಿದಂತಿದೆ.
ಅದೇನೆಂದರೆ, ‘ಮಕ್ಕಳಿಗೆ ಎಂದೆಂದಿಗೂ ಆಸ್ತಿ ಮಾಡಿ ಕೊಡಬೇಡಿ’ ಎಂದು ಹೇಳಿಕೆ ನೀಡಿದ್ದಾರೆ. ಮುಂದುವರೆದು ನನ್ನ ಜೀವನದಲ್ಲಿ ನಾನು ಬಹುದೊಡ್ಡ ಪಾಠ ಕಲಿತಿದ್ದೇನೆ ಎಂದಿದ್ದಾರೆ. ತಮ್ಮ ಆತ್ಮಕಥನ “An Incomplete Life” ಅನ್ನು ಬಿಡುಗಡೆ ಮಾಡಿದ್ದು ಅದರಲ್ಲಿ ತಮ್ಮ ಜೀವನದ ಬಗೆಗಿನ ಹಲವಾರು ವಿಚಾರಗಳನ್ನು ಬಿಚ್ಚಿಟ್ಟಿದ್ದಾರೆ.
ವಿಜಯಪತ್ ಅವರು ತಮ್ಮ ಪರಿವಾರದಲ್ಲಿ ಆಸ್ತಿಯ ವಿಚಾರವಾಗಿ ನಡೆದ ಒಂದು ಬಿರುಕಿನ ಬಗ್ಗೆಯೂ ಸಹ ಬರೆದಿದ್ದಾರೆ. ಇದರೊಂದಿಗೆ ಅವರು ತಮ್ಮ ಬಾಲ್ಯದ ದಿನಗಳಿಗೆ ಸಂಬಂಧಿಸಿದ ಕೆಲವು ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ಇನ್ನು ತಮ್ಮ ಅನುಭವ ಹಂಚಿಕೊಳ್ಳುತ್ತಾ “ನನ್ನ ಜೀವನದಲ್ಲಿ ನಾನು ಕಲಿತ ಅತ್ಯಂತ ದೊಡ್ಡ ಪಾಠವೆಂದರೆ ಅದು ‘ನಾನು ಜೀವಂತವಿರುವಾಗ ನನ್ನ ಆಸ್ತಿಯನ್ನು ನನ್ನ ಮಕ್ಕಳಿಗೆ ಬಿಟ್ಟು ಕೊಡುವಾಗ ಬಹಳಷ್ಟು ಎಚ್ಚರಿಕೆ ಹಾಗೂ ಕಾಳಜಿವಹಿಸಬೇಕು’ ಎಂದಿದ್ದಾರೆ. ಮುಂದುವರೆದು ನಿಮ್ಮ ಆಸ್ತಿ ನಿಮ್ಮ ಮಕ್ಕಳಿಗೆ ಸೇರಬೇಕು ಆದರೆ ಅದು ನಿಮ್ಮ ಸಾವಿನ ನಂತರ ಸೇರಬೇಕು, ಏಕೆಂದರೆ ನನ್ನ ಉದ್ದೇಶ ಇಷ್ಟೇ ಎಲ್ಲ ತಂದೆ ತಾಯಿಯರು ನನ್ನಂತೆ ಅಲೆಯುವ ಪರಿಸ್ಥಿತಿ ಬರಬಾರದು ಎಂಬುದೇ ಆಗಿದೆ..! ಎನ್ನುತ್ತಾರೆ ವಿಜಯಪತ್ .
ನೀವು ನಂಬುತ್ತಿರೋ ಬಿಡುತ್ತಿರೋ ವಿಜಯಪತ್ ಅವರು ತಮ್ಮ ಆಸ್ತಿಯನ್ನು ಬಿಟ್ಟುಕೊಟ್ಟ ನಂತರ ಅವರು ಅದೆಂತಹ ಕಷ್ಟದ ದಿನಗಳನ್ನು ಎದುರಿಸಬೇಕಾಗಿ ಬಂದಿತ್ತೆಂದರೆ 1200 ಕೋಟಿ ರೂಪಾಯಿ ಮೌಲ್ಯದ ರೇಮಂಡ್ ಗ್ರೂಪ್ ನ ಒಡೆಯ ಒಡೆಯನಾಗಿದ್ದ ವಿಜಯಪತ್ ಅವರು ತಮ್ಮ ಕಛೇರಿಗೆ ಹೋಗದಂತಹ ಪರಿಸ್ಥಿತಿ ಇತ್ತು. ಅಲ್ಲಿ ತಮಗೆ ಸಂಬಂಧಪಟ್ಟ ಕೆಲವು ಮಹತ್ವಪೂರ್ಣ ದಾಖಲೆಗಳನ್ನೇ ನೋಡದಂತಹ ಪರಿಸ್ಥಿತಿ, ಅಲ್ಲಿನ ಕೆಲವು ಅವಶ್ಯಕ ಸಾಮಗ್ರಿಗಳನ್ನು ಮುಟ್ಟದ ಪರಿಸ್ಥಿತಿ, ಇದಷ್ಟೇ ಅಲ್ಲದೇ ಮುಂಬೈ ಹಾಗೂ ಲಂಡನ್ ನಲ್ಲಿರುವ ತಮ್ಮ ಕಾರನ್ನು ಅಲ್ಲಿಯೇ ಬಿಟ್ಟು ಬಿಡಬೇಕಾಯಿತು. ಅಷ್ಟೇ ಅಲ್ಲದೇ ತನ್ನ ಕಂಪನಿಯ ಸಿಬ್ಬಂದಿಗಳೊಂದಿಗೆ ಮಾತನ್ನು ಸಹ ಆಡದೆ ಇರುವಂತಹ ಹಾಗೂ ವಿಜಯಪತ್ ಅವರ ಕಛೇರಿಯ ಒಳಗೂ ಅವರ ಕಂಪನಿಯ ಕೆಲಸಗಾರರಿಗೆ ಬರದೇ ಇರುವಂತಹ ಪರಿಸ್ಥಿತಿಗೆ ತಂದು ಇಟ್ಟಿದ್ದರು ವಿಜಯಪತ್ ಅವರ ಮಗ. ಒಂದು ಕಾಲದಲ್ಲಿ 1200 ಕೋಟಿ ರೂಪಾಯಿ ಆಸ್ತಿ ಹೊಂದಿ ದೇಶದ ಅತ್ಯಂತ ಶ್ರೀಮಂತರ ಪಟ್ಟಿಯಲ್ಲಿ ಹೆಸರು ಮಾಡಿಕೊಂಡಿದ್ದ ವಿಜಯಪತ್ ಅವರು ಇಂದು ಎಂತಹ ಪರಿಸ್ಥಿತಿ ಎದುರಿಸುತ್ತಿದ್ದಾರೆ ಎಂದರೆ, ಒಂದೊಂದು ಪೈಸೆ ಪೈಸೆಗೂ ಯೋಚನೆ ಮಾಡಬೇಕಾದ ಪರಿಸ್ಥಿತಿ ಬಂದಿದೆ. ಒಂದು ಸಮಯದಲ್ಲಿ ವಿಜಯಪತ್ ಸಿಂಘನಿಯ ಅವರ ಆಡಂಬರ ಹೇಗಿತ್ತು ಎಂದರೆ ದೇಶದ ಅತ್ಯಂತ ಶ್ರೀಮಂತ ಮುಖೇಶ್ ಅಂಬಾನಿಯವರು ಈಗ ವಾಸವಿರುವ ಎಂಟಲಿಯಾ ಮನೆಗಿಂತಲೂ ದೊಡ್ಡ ಹಾಗೂ ಆಡಂಬರದ ಮನೆ ಜೆಕೆ ಹೌಸ್ ನಲ್ಲಿ ವಾಸವಿದ್ದರು.
ಮಂಗಳೂರು ಲೋಕಸಭಾ ಚುನಾವಣೆ 2024: ಹಳ್ಳಿ ಗಲ್ಲಿಗಳಲ್ಲಿ ಕಾಂಗ್ರೆಸ್- ಬಿಜೆಪಿ ಸಮೀಕ್ಷೆಯ ಬಗ್ಗೆ ಮಾತುಕತೆ. ಮೂಡಬಿದ್ರಿ-ಬೆಳ್ತಂಗಡಿಯ ಬಿಲ್ಲವ ಮತ, ನೋಟಾದ ಬಗ್ಗೆ ವ್ಯಾಪಕ ಚರ್ಚೆ ಬಗ್ಗೆ !! Twitter Facebook LinkedIn WhatsApp ಮಂಗಳೂರು:
ಕರ್ಬೂಜ ಹಣ್ಣಿನಲ್ಲಿರುವ ವಿಶೇಷವಾದ ಆರೋಗ್ಯಕಾರಿ ಲಾಭಗಳೆಷ್ಟು.?
