ಗದಗ ತಾಲೂ​ಕಿನ ತಿಮ್ಮಾಪೂರ ಗ್ರಾಮದ ರೈತ ಪವಾಡೆಪ್ಪ ಹಳ್ಳಿಕೇರಿ ಎಂಬುವರು ತಮ್ಮ ಜಮೀನಿನಲ್ಲಿ ಬೆಳೆದಿದ್ದ 4 ಕ್ವಿಂಟಲ್‌ ಈರುಳ್ಳಿಯನ್ನು ಬೆಂಗಳೂರಿನ ಯಶವಂತಪುರ ಎಪಿಎಂಸಿ ಮಾರುಕಟ್ಟೆಗೆ ತಂದಿದ್ದರು. ಈರುಳ್ಳಿ ಬೆಲೆ ದಿಢೀರ್‌ ಕುಸಿತ ಕಂಡಿದ್ದು, 1 ಕ್ವಿಂಟಲ್‌ಗೆ 100 ರು.ನಂತೆ ಮಾರಾಟವಾಯಿತು. ಹೀಗಾಗಿ, 4 ಕ್ವಿಂಟಲ್‌ಗೆ (4 ಕ್ವಿಂಟಲ್‌ 10 ಕೆಜಿ) ಒಟ್ಟು 410 ರು.ಬಿಲ್‌ ಆಗಿದೆ. ಲಾರಿ ಬಾಡಿಗೆ 377 ರು., ಹಮಾಲಿ ಖರ್ಚು 24 ರು. ಇವೆಲ್ಲಾ ಕಳೆದು ಪವಾಡೆಪ್ಪ ಅವರಿಗೆ ದೊರೆತ ಹಣ ಕೇವಲ 8 ರೂಪಾಯಿ 36 ಪೈಸೆ. ಸರ್ಕಾರ ಮಧ್ಯ ಪ್ರವೇಶಿಸಿ ಈರುಳ್ಳಿಗೆ ಸೂಕ್ತ ಬೆಲೆ ನಿಗದಿ ಪಡಿಸಬೇಕೆಂದು ರೈತರು ಆಗ್ರಹಿಸಿದ್ದಾರೆ.