ಪಾಟ್ನಾ: ನ.12ರಂದು ಬಿಹಾರದ ವಿವಿಧ ಭಾಗಗಳಲ್ಲಿ ಛಾತ್ ಆಚರಣೆ ವೇಳೆ 33 ಮಂದಿ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದಾರೆ ಎಂದು ವಿಪತ್ತು ನಿರ್ವಹಣಾ ಅಧಿಕಾರಿ ತಿಳಿಸಿದ್ದಾರೆ.
ರೋಹ್ತಾಸ್, ಸರನ್, ಗಯಾ ಮತ್ತು ಸಿವಾನ್ ಜಿಲ್ಲೆಯಲ್ಲಿ ಗುರುವಾರ ತಲಾ ಎರಡು ಸಾವುಗಳು ದಾಖಲಾಗಿದ್ದರೆ, ಬಿಹಾರ್ ಶರೀಫ್ ಮತ್ತು ಬಕ್ಸರ್ ಜಿಲ್ಲೆಗಳು ತಲಾ ಒಬ್ಬರು ಮೃತಪಟ್ಟಿದ್ದಾರೆ. ಬೇಗುಸರಾಯ್ ಜಿಲ್ಲೆಯಲ್ಲಿ ಮೂರು ಜನರು ಮೃತಪಟ್ಟಿದ್ದಾರೆ. ಸಮಸ್ತಿಪುರದಲ್ಲಿ ನಾಲ್ವರು ನೀರಿನಲ್ಲಿ ಮುಳುಗಿದರೆ, ಬೆಟ್ಟಿಯಾದಲ್ಲಿ ಒಬ್ಬರು ಸಾವನ್ನಪ್ಪಿದ್ದಾರೆ. ಉತ್ಸವವನ್ನು ಆಚರಿಸಲು ಭಕ್ತರು ನದಿಗಳು, ಕೊಳಗಳು ಮತ್ತು ಕಾಲುವೆಗಳಲ್ಲಿ ಸ್ನಾನ ಮಾಡುತ್ತಿದ್ದಾಗ ಈ ದುರಂತ ಸಂಭವಿಸಿದೆ.