ಮೈಸೂರು: ಬಿಜೆಪಿಯವರು ನಾಚಿಗೆಟ್ಟವರು. 40 ಪರ್ಸೆಂಟ್ ಪಡೆಯುತ್ತಿದ್ದಾರೆಂದು ಗುತ್ತಿಗೆದಾರರೇ ಪತ್ರ ಬರೆದಿದ್ದಾರೆ. ಆದರೂ ನಾಚಿಗೆಟ್ಟ ಸರ್ಕಾರ ಪರ್ಸೆಂಟೇಜ್ ಪಡೆದಿದೆ. ಆದರೆ, ಮೋದಿ ನಾ ಕಾವುಂಗಾ, ನ ಕಾನೇ ದೂಂಗಾ ಅಂತಾರೆ ಎಂದು ಬಿಜೆಪಿ ವಿರುದ್ಧ ವಿಪಕ್ಷ ನಾಯಕ ಸಿದ್ದರಾಮಯ್ಯ ಕಿಡಿಕಾರಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕೊರೊನಾದಿಂದ ಮೃತಪಟ್ಟವರಿಗೆ ಪರಿಹಾರ ಕೊಟ್ಟಿದ್ದೇವೆ ಅಂತ ಸುಳ್ಳು ಹೇಳಿ ಜನರಿಗೆ ಮೋಸ ಮಾಡಿದರು. ಕೊರೊನಾ ಸಾವಿನ ಲೆಕ್ಕದಲ್ಲಿ ಸುಳ್ಳು ಹೇಳಿದ್ರು. ಇಡೀ ದೇಶದಲ್ಲಿ 50 ಲಕ್ಷ ಜನರು ಸತ್ತರು. ಕರ್ನಾಟಕದಲ್ಲಿ ಸುಮಾರು ನಾಲ್ಕು ಲಕ್ಷ ಜನರು ಮೃತಪಟ್ಟರು. ವಾಕ್ಸಿನ್ ಕೊಡಿ ಅಂದರೆ ಜಾಗಟೆ ಹೊಡೀರಿ, ಚಪ್ಪಾಳೆ ಹೊಡೀರಿ ಅಂದ್ರು. ಜನರಲ್ಲಿ ಮೌಢ್ಯಗಳನ್ನ ಬಿತ್ತಿ‌ ಸಾಕಷ್ಟು ಲಂಚ ಹೊಡೆದರು.