ರ್ಯಾಲಿಯಲ್ಲಿ ಸೇರ್ಪಡೆಯಾಗುವವರಲ್ಲಿ ಭಾರತ ಯಾತ್ರಿಗಳು, ಪ್ರಾದೇಶಿಕ ಯಾತ್ರಿಗಳು ಮತ್ತು ಅತಿಥಿ ಯಾತ್ರಿಗಳು ಎಂದು ವಿಭಜಿಸಲಾಗಿದೆ. ಭಾರತ ಯಾತ್ರಿಗಳು ರಾಹುಲ್ ಗಾಂಧಿ ಅವರ ಜೊತೆ ಆರಂಭದಿಂದಲೂ ಕೊನೆಯವರೆಗೂ ಹೆಜ್ಜೆ ಹಾಕಲಿದ್ದಾರೆ. ಪ್ರಾದೇಶಿಕ ಯಾತ್ರಿಗಳು ಆಯಾ ರಾಜ್ಯಗಳ ವಲಯದಲ್ಲಿ ಸೇರ್ಪಡೆಯಾಗಲಿದ್ದಾರೆ. ಇನ್ನು ಅತಿಥಿ ಯಾತ್ರಿಗಳು ಕಾಲಕಾಲಕ್ಕೆ ಯಾತ್ರೆಗೆ ಜೊತೆಗೂಡಲಿದ್ದಾರೆ.  ನಾಳೆ ರಾಹುಲ್ ಗಾಂಧಿ ಅವರು ತಮಿಳುನಾಡಿನಲ್ಲಿ ತಮ್ಮ ತಂದೆ ಹಾಗೂ ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಅವರ ಪುಣ್ಯಭೂಮಿಗೆ ಭೇಟಿ ನೀಡಿ ನಮನ ಸಲ್ಲಿಸುವ ಮೂಲಕ ಕನ್ಯಾಕುಮಾರಿಗೆ ಪ್ರಯಾಣ ಬೆಳೆಸಲಿದ್ದಾರೆ. ಅಲ್ಲಿ ಮಧ್ಯಾಹ್ನದ ಬಳಿಕ ಯಾತ್ರೆ ಆರಂಭಿಸಲಿದ್ದಾರೆ.