ತುಸು ತಮಾಷೆಯಾಗಿ ಮತ್ತೆ ಮಾತನಾಡಿದ ರಾಖಿ, ‘ನನ್ನಂತಹ ಹಾಟ್ ಹೆಂಡತಿ ಬಿಟ್ಟು, ಆದಿಲ್ ದೂರ ಹೋಗಿದ್ದಾನೆ. ನನಗಿಂತ ಹಾಟ್ ಹೆಂಡತಿ ಬೇಕಾ?’ ಎಂದು ಪ್ರಶ್ನೆ ಮಾಡಿದರು. ಗಂಡನ ಮೇಲೆ ತುಸು ಅನುಕಂಪವನ್ನೂ ಈ ಸಂದರ್ಭದಲ್ಲಿ ವ್ಯಕ್ತ ಪಡಿಸಿದರು. ಆದಿಲ್ ಸದ್ಯ ಜೈಲಿನಲ್ಲಿದ್ದಾನೆ. ರಾಖಿ ದುಬೈಗೆ ಪ್ರಯಾಣ ಬೆಳೆಸಿದ್ದಾರೆ. ಸಮಾಜಕ್ಕೆ ಏನಾದರೂ ಕೊಡುಗೆ ಕೊಡಬೇಕು ಎನ್ನುವ ಕಾರಣದಿಂದಾಗಿ ಅವರು ರಾಖಿ ಫೌಂಡೇಶನ್ ಶುರು ಮಾಡಿದ್ದಾರಂತೆ.

ಎರಡು ದಿನಗಳ ಕಾಲ ಮೈಸೂರಿನಲ್ಲಿ ಬೀಡು ಬಿಟ್ಟಿದ್ದ ರಾಖಿ, ಮೊನ್ನೆಯಷ್ಟೇ ಮುಂಬೈಗೆ ತೆರಳಿದ್ದರು. ಆದಿಲ್ ಕುಟುಂಬವನ್ನು ಭೇಟಿ ಮಾಡಲು ಮೈಸೂರಿಗೆ ಬಂದಿದ್ದ ರಾಖಿಗೆ, ಆದಿಲ್ ಕುಟುಂಬ ಭೇಟಿಯನ್ನು ನಿರಾಕರಿಸಿತ್ತು. ಅಲ್ಲದೇ, ಮನೆ ಬಾಗಿಲಿಗೆ ಬೀಗ ಹಾಕಿ, ಬೇರೆ ಕಡೆ ಸ್ಥಳಾಂತರಗೊಂಡಿದೆ. ಆದಿಲ್ ಕುಟುಂಬದ ಭೇಟಿ ಸಾಧ್ಯವಾಗದೇ ಇರುವ ಕಾರಣದಿಂದಾಗಿ ಮುಂಬೈಗೆ ರಾಖಿ ವಾಪಸ್ಸಾಗಿದ್ದರು.