ಉಡುಪಿ: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಕೊರೋನಾ ಸಂಪೂರ್ಣವಾಗಿ ಇಳಿದಿಲ್ಲ. ಆದರೆ ಪಕ್ಕದ ಜಿಲ್ಲೆ ಉಡುಪಿ ಜಿಲ್ಲೆಯಲ್ಲಿ ಕೋವಿಡ್‌ ಪ್ರಮಾಣ ದಿನೇ ದಿನೇ ಇಳಿಮುಖವಾಗುತ್ತಿದ್ದು ಇದು ನಾಗರಿಕರಲ್ಲಿ ಹರ್ಷ ತಂದಿದೆ. ಭಾನುವಾರ 96 ಮಂದಿಯಲ್ಲಿ ಸೋಂಕು ದೃಢಪಟ್ಟಿದೆ. ಸೋಂಕಿತರಲ್ಲಿ 31 ಪುರುಷರು ಹಾಗೂ 67 ಮಹಿಳೆಯರು ಎಂದು ಗುರುತಿಸಲಾಗಿದೆ.
ಉಡುಪಿ ತಾಲ್ಲೂಕಿನ 43, ಕುಂದಾಪುರದ 37, ಕಾರ್ಕಳ ತಾಲ್ಲೂಕಿನ 16 ಮಂದಿಯಲ್ಲಿ ಸೋಂಕು ಕಾಣಿಸಿಕೊಂಡಿದ್ದು, 8 ಸೋಂಕಿತರು ಆಸ್ಪತ್ರೆಯಲ್ಲಿ ಉಳಿದ 88 ಮಂದಿ ಹೋಂ ಐಸೊಲೇಷನ್‌ನಲ್ಲಿದ್ದಾರೆ.
ಕೋವಿಡ್‌ ಮರಣ ಪ್ರಮಾಣವೂ ಕುಸಿಯುತ್ತಿದ್ದು, ಜೂನ್‌ 18ರಂದು ಮೂವರು, 19ರಂದು ಇಬ್ಬರು, 20 ಹಾಗೂ 21ರಂದು ತಲಾ ಒಬ್ಬರು, 22ರಂದು ಇಬ್ಬರು, 23ರಂದು ಮೂವರು, 24ರಂದು 7 ಮಂದಿ, 25 ಹಾಗೂ 26ರಂದು ಇಬ್ಬರು, 27ರಂದು ಒಬ್ಬರು ಚಿಕಿತ್ಸೆಗೆ ಸ್ಪಂದಿಸದೆ ಮೃತಪಟ್ಟಿದ್ದಾರೆ.