ದುಬೈಗೆ ಹಾರಿದ ಬಿಗ್ ಬಾಸ್ ಬೆಡಗಿ ದೀಪಿಕಾ ದಾಸ್
ಬಿಗ್ ಬಾಸ್ ಬೆಡಗಿ ದೀಪಿಕಾ ದಾಸ್ (Deepika Das) ಅವರು ಇದೀಗ ದುಬೈಗೆ (Dubai) ಹಾರಿದ್ದಾರೆ. ಸುಂದರ ತಾಣಗಳಿಗೆ ಭೇಟಿ ನೀಡುತ್ತಾ ದೀಪಿಕಾ ಎಂಜಾಯ್ ಮಾಡ್ತಿದ್ದಾರೆ. ಸದ್ಯ ಈ ಕುರಿತ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡ್ತಿದೆ.
ಕಿರುತೆರೆಯಲ್ಲಿ ದೀಪಿಕಾ ದಾಸ್ ಸಖತ್ ಬೇಡಿಕೆಯಿದೆ. ಟಿವಿ ಪ್ರಿಯರಿಗೆ ದೀಪಿಕಾ ಎಂದರೆ ಅಚ್ಚು ಮೆಚ್ಚು. `ನಾಗಿಣಿ’ (Nagini) ಸೀರಿಯಲ್ ಮೂಲಕ ನಾಗಿಣಿಯಾಗಿ ತೆರೆಯ ಮೇಲೆ ರಂಜಿಸಿದ್ದ ನಟಿ ದೀಪಿಕಾ ಬಿಗ್ ಬಾಸ್ ರಿಯಾಲಿಟಿ ಶೋಗೆ (Bigg Boss Kannada) ಕಾಲಿಟ್ಟ ಮೇಲೆ ಮತ್ತಷ್ಟು ಜನಪ್ರಿಯತೆ ಗಳಿಸಿದ್ದರು.
ಇತ್ತೀಚಿನ ಬಿಗ್ ಬಾಸ್ 9ರಲ್ಲಿ ಟಾಪ್ 5 ಫೈನಲಿಸ್ಟ್‌ನಲ್ಲಿ ಒಬ್ಬರಾಗಿದ್ದರು. ಪ್ರವೀಣರ ಪೈಕಿ ನಟಿ ಭರ್ಜರಿ ಪೈಪೋಟಿ ನೀಡಿದ್ದರು. ಇದೀಗ ಟ್ರಾವೆಲ್ ಮೂಡ್‌ನಲ್ಲಿ ದೀಪಿಕಾ ದಾಸ್.
ದುಬೈನಲ್ಲಿ ನಟಿ ಬೀಡು ಬಿಟ್ಟಿದ್ದಾರೆ. ಹಡಗಿನಲ್ಲಿ ನಿಂತು ನೈಟ್ ವೀವ್‌ನ ನಟಿ ಕಣ್ತುಂಬಿಕೊಂಡಿದ್ದಾರೆ. ಲೈಟ್ ಬಣ್ಣದ ಧಿರಿಸಿನಲ್ಲಿ ನಟಿ ಮುದ್ದಾಗಿ ಕಾಣಿಸಿಕೊಂಡಿದ್ದಾರೆ.
ದೀಪಿಕಾ ದಾಸ್ ಅವರು ಮಹಿಳಾ ಪ್ರಧಾನ ಚಿತ್ರದ ಮೂಲಕ ಬೆಳ್ಳಿಪರದೆಯಲ್ಲಿ ಮಿಂಚಲು ರೆಡಿಯಾಗಿದ್ದಾರೆ. ನಟಿಯನ್ನ ಬಿಗ್ ಸ್ಕ್ರಿನ್‌ನಲ್ಲಿ ನೋಡಲು ಫ್ಯಾನ್ಸ್ ಕಾಯ್ತಿದ್ದಾರೆ.
