ರಾಜ್ಯದಲ್ಲಿಯೇ ಹೆಚ್ಚಿನ ಪ್ರಮಾಣದ ಕೋಳಿ ಉತ್ಪಾದನೆಯನ್ನು ಬಯಲುಸೀಮೆ ಜಿಲ್ಲೆಗಳಾದ ಬೆಂಗಳೂರು ಗ್ರಾಮಾಂತರ, ಚಿಕ್ಕಬಳ್ಳಾಪುರ,ಆನೇಕಲ್‌, ಕೋಲಾರ ಸೇರಿ ಇತರೆ ಭಾಗಗಳಲ್ಲಿ ಮಾಡಲಾಗುತ್ತಿದೆ. ಕಳೆದ ಕೆಲ ತಿಂಗಳಿಂದ” ಕೋಳಿ ಉತ್ಪಾದನೆ ದುಬಾರಿಯಾಗುತ್ತಿದೆ.

ಕುಕ್ಕುಟೋದ್ಯಮದ ಕಚ್ಚಾವಸ್ತುಗಳ ಬೆಲೆಏರಿಕೆಯಾಗುತ್ತಿದೆ. ಕೋಳಿ ಮರಿಗಳ ದರದ ಜತೆಗೆ ಕೋಳಿಗಳಿಗೆ ನೀಡಲಾಗುವ ಆಹಾರವಾದ ಆಹಾರವಾದ ಸೋಯಾ ದರ 90ರ ಗಡಿದಾಟಿದೆ. ಮೆಕ್ಕೆಜೋಳದ ದರ ಕೆಜಿಗೆ 25 ರೂಪಾಯಿಗೂ ಹೆಚ್ಚಿದೆ. ಈ ಮೂಲಕ ದರ ಸತತವಾಗಿ ಏರಿಕೆ ಕಾಣುತ್ತಿದೆ. ಕೋಳಿ ಸಾಕಾಣಿಕೆದಾರರಿಗೆ ನಿರ್ವಹಣೆ ವೆಚ್ಚ, ಕಾರ್ಮಿಕರ ಕೂಲಿ, ವಾಹನಗಳ ಬಾಡಿಗೆ ಹೊರೆಯಾಗಿ ಪರಿಣಮಿಸಿದೆ. ಪ್ರತಿ ಕೆಜಿ ಕೋಳಿ ದರ ಹೋಲ್‌ ಸೇಲ್‌ ನಲ್ಲಿ 77-80 ರೂಪಾಯಿ ಇದ್ದು ಪ್ರತಿ ಕೆಜಿ ಉತ್ಪಾದನಾ ವೆಚ್ಚ 100-110ರೂಪಾಯಿ ಖರ್ಚಾಗುತ್ತಿದೆ. ಈ ಬಾರಿ ವ್ಯಾಪಕ ಮಳೆಯಾದ ಹಿನ್ನೆಲೆ ಕೋಳಿ ಆಹಾರವಾದ ಮೆಕ್ಕೆಜೋಳ, ಸೋಯಾ ಬೆಳೆಗಳಿಗೆ ಹಾನಿಯಾಗಿದೆ. ಇದ್ದರಿಂದ ಇವುಗಳ ಬೆಲೆಗಳಲ್ಲಿ ಹೆಚ್ಚಳವಾಗುವ ಸಾಧ್ಯತೆಯ ಜತೆಗೆ ಕೊರತೆಯಾಗುವ ಸಾಧ್ಯತೆ ಹೆಚ್ಚಿದೆ.