ಮುಂಬಯಿ: ಒಬ್ಬ ಹೀರೋಯಿನ್ ಸಿನಿಮಾವನ್ನು ಇನ್ನೊಬ್ಬ ಹೀರೋಯಿನ್ ನೋಡಿ, ಸೂಪರ್ ಚಿತ್ರ ಅಂತ ಹೊಗೊಳೋ ಸಂಸ್ಕೃತಿ ಬಹಳ ಕಡಿಮೆ. ಇತ್ತೀಚೆಗಷ್ಟೇ ತೆಲುಗು ನಟ ಚಿರಂಜೀವಿ ತಮ್ಮನ ಚಿತ್ರ ಭೀಮ್ಲಾ ನಾಯಕ್ ಸಿನಿಮಾವನ್ನು ಹೊಗಳಿದ್ದರು. ಆದರೆ, ಚಿರಂಜೀವಿ ಮಾತನ್ನು ಕೇಳಿಸಿಕೊಂಡವರು ಕಡಿಮೆ. ಏಕೆಂದರೆ, ಚಿರಂಜೀವಿ ತಮ್ಮನೇ ಪವನ್ ಕಲ್ಯಾಣ್. ಸೋದರ ವಾತ್ಸಲ್ಯ ಅಂತ ಸುಮ್ಮನಾದರು. ಆದರೆ, ಈ ನಟ ಮಹೇಶ್ ಬಾಬು ಸಿನಿಮಾ ನೋಡಿ ಬಾಯ್ತುಂಬ ಹೊಗಳಿದರು. ಅದರಲ್ಲೂ ರಾಣ ದಗ್ಗುಭಾಟಿಯಾರ ನಟನೆಗೆ ಫೀದಾ ಆಗಿದ್ದೀನಿ ಅಂತ ಬರೆದುಕೊಂಡಾಗ ಆಶ್ಚರ್ಯವಾಯಿತು.
ಈಗ ನಟಿ ಸಮಂತಾ ಋತ್ ಪ್ರಭು ಅವರ ಸರತಿ. ಇವರು ಆಲಿಯಾ ಭಟ್ ಅಭಿನಯದ ಗಂಗೂಬಾಯಿ ಕಾಠಿಯವಾಡಿ ಸಿನಿಮಾ ನೋಡಿ ಥ್ರಿಲ್ ಆಗಿದ್ದಾರೆ. ಆ ಥ್ರಿಲ್ಲನ್ನು ತಮ್ಮ ಇನ್ಸ್ಟ್ರಾಗ್ರಾಂನಲ್ಲೂ ಕೂಡ ಬರೆದುಕೊಂಡಿದ್ದಾರೆ. ‘ಆಲಿಯಾ ಅಭಿನಯ ವರ್ಣಿಸಲು ಪದಗಳೇ ಸಾಲದು’ ಅಂತ ಹೇಳಿಕೊಳ್ಳುವ ಮೂಲಕ ಆಲಿಯಾಗೆ ನೂರಕ್ಕೆ ನೂರು ಅಂಕ ಕೊಟ್ಟಿದ್ದಾರೆ. ಸಮಂತಾ, ‘ಗಂಗೂಬಾಯಿ ಕಾಠಿಯಾವಾಡಿ ಸಿನಿಮಾ ಆಲಿಯಾ ಭಟ್ಟಳ ಮಾಸ್ಟರ್ ಪೀಸ್ ಸಿನಿಮಾ. ಈಕೆಯ ಅಭಿನಯದ ಬಗ್ಗೆ ವರ್ಣಿಸಲು ಪದಗಳು ಸಾಲುತ್ತಿಲ್ಲ. ಪ್ರತಿ ಡೈಲಾಗ್, ಅದಕ್ಕೆ ಬೇಕಾದ ಎಕ್ಸಪ್ರೆಷನ್ ಎಲ್ಲವೂ ನನ್ನ ಮೆದುಳಲ್ಲಿ ಕುಳಿತಿದೆ’ ಎಂದು ಸಮಂತಾ ಬರೆದುಕೊಂಡಿದ್ದಾರೆ.