ಶಿವಮೊಗ್ಗ: ಎಲ್ಲಾ ಕಡೆ ಮೋದಿ, ಮೋದಿ ಎನ್ನುತ್ತಿದ್ದ ಯುವ ಜನತೆಗೆ ತಿರುಪತಿ ತಿಮ್ಮಪ್ಪನ ಮೂರು ನಾಮ ಹಾಕಿದ್ದಾರೆ ಎಂದು ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ವಿಪಕ್ಷನಾಯಕ ಸಿದ್ದರಾಮಯ್ಯ ಲೇವಡಿ ಮಾಡಿದ್ದಾರೆ.
ಪರಿಷತ್ ಪ್ರಚಾರ ಸಭೆಯಲ್ಲಿ ಮಾತನಾಡಿದ ಅವರು, ಸುಳ್ಳು ಹೇಳುವ ಮೋದಿಯಂತಹ ಪ್ರಧಾನಿ ಯಾರು ಬರಲಿಲ್ಲ. ಅವರು ಜನರ ಮುಂದೆ ಬರೋದೆ ಇಲ್ಲ, ಮನ್ ಕಿ ಬಾತ್ ಅಷ್ಟೇ. ಕೊರೊನಾ ಸೋಂಕು ಬಂದರೆ ಚಪ್ಪಾಳೆ ತಟ್ಟಿ, ದೀಪ ಹಚ್ಚಿ ಎನ್ನುವ ಪ್ರಧಾನಿ ನೋಡಿದ್ದೀರಾ? ಎಂದು ಪ್ರಶ್ನಿಸಿದರು.

ಇವರ ಬೇಜವಾಬ್ದಾರಿಯಿಂದ ದೇಶದಲ್ಲಿ 50 ಲಕ್ಷ ಜನರು ಸಾವನ್ನಪ್ಪಿದರು. ಕೊರೊನಾ ಕಾರಣಕ್ಕೆ ಆರೋಗ್ಯ ಇಲಾಖೆಯ ಖರೀದಿಯಲ್ಲಿ ಲಂಚ ಹೊಡೆದರು ಎಂದು ಕಿಡಿಕಾರಿದರು.