ಮಾಜಿ ಮಿಸ್ಟರ್ ಒಲಂಪಿಯಾ ಚಾಂಪಿಯನ್ ಶಾನ್ ರೋಡೆನ್ ಅವರು 46 ನೇ ವಯಸ್ಸಿನಲ್ಲಿ ಶನಿವಾರ ನಿಧನರಾದರು. ರೋಡೆನ್ ಹೃದಯಾಘಾತದಿಂದ ಸಾವನ್ನಪ್ಪಿದ್ದು,  ಅವರ ತರಬೇತುದಾರರು ಹೃದಯಾಘಾತದಿಂದ ಸಾವನ್ನಪಿರುವುದಾಗಿ ದೃಢಪಡಿಸಿದರು
43 ನೇ ವಯಸ್ಸಿನಲ್ಲಿ ಒಲಿಂಪಿಯಾವನ್ನು ಗೆದ್ದ ರೋಡೆನ್ ಕ್ರೀಡಾ ದಂತಕಥೆ ಎಂದರೆ ತಪ್ಪಾಗಲಾರದು.
ಶಾನ್ ರೋಡೆನ್ ಅವರ ಮರಣವು ಈಗ ಹಲವಾರು ಕ್ರೀಡಾಪಟುಗಳು ಮತ್ತು ದೇಹದಾರ್ಢ್ಯ ಪಟುಗಳನ್ನು ಚಿಂತೆಗೆ ದೂಡಿದ್ದು ದಿವಂಗತ ಬಾಡಿಬಿಲ್ಡರ್‌ಗೆ ಸಂತಾಪ ಸೂಚಿಸಲು ಎಲ್ಲರೂ ಮುಂದಾಗಿದ್ದರೂ ಸಹ ಇದೀಗ ಎಲ್ಲರೂ ಬಾಡಿ ಬಿಲ್ಡಿಂಗ್ ಬಗ್ಗೆ ಹಾಗೂ ಆರೋಗ್ಯದ ಮೇಲೆ ಇದರ ವ್ಯತಿರಿಕ್ತ ಪರಿಣಾಮಗಳ ಬಗ್ಗೆ ಯೋಚನೆ ಮಾಡುತ್ತಿದ್ದಾರೆ.
ಲೆಜೆಂಡರಿ ಬಾಡಿಬಿಲ್ಡರ್ ರಿಚ್ ಗ್ಯಾಸ್ಪರಿ ಕೂಡ ಟ್ವಿಟರ್‌ನಲ್ಲಿ ರೋಡೆನ್ ಅವರ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಿ ಹಾಗೂ ಸಾರ್ವಜನಿಕವಾಗಿ ಕಾಣಿಸಿಕೊಂಡು ಸಕ್ರಿಯವಾಗಿರುವ ರೋಡನ್ 3 ದಿನಗಳ ಹಿಂದೆ ಸಾಮಾಜಿಕ ಜಾಲತಾಣದಲ್ಲಿ ಕೊನೆಯದಾಗಿ ಪೋಸ್ಟ್ ಮಾಡಿದ್ದರು.