ಮರಾಠ ನೆಲದಲ್ಲಿ ಹೊಸ ರಾಜಕೀಯ ಸಂಘರ್ಷ ಶುರುವಾಗಿದೆ. ಆಜಾನ್ ಹಾಗೂ ಹನುಮಾನ್ ಚಾಲೀಸಾ ವಿವಾದ ಹೊಡೆದಾಟದ ಮಟ್ಟಕ್ಕೆ ತಲುಪಿದೆ. ಉದ್ಧವ್ ಠಾಕ್ರೆ ಸರ್ಕಾರ ಹೊರಡಿಸಿರೋ ಆದೇಶ ಉರಿಯುವ ಬೆಂಕಿಗೆ ತುಪ್ಪ ಸುರಿದಂತಾಗಿದೆ. ಈ ನಡುವೆ ಶಿವಸೇನೆ ಕಾರ್ಯಕರ್ತರು ಸಂಸದೆ ಮನೆ ಮುಂದೆ ಜಮಾಯಿಸಿ ಭಾರೀ ಹಂಗಾಮ ಸೃಷ್ಟಿಸಿದ್ರು.

ಮಹಾರಾಷ್ಟ್ರದಲ್ಲಿ ಕಳೆದೆರಡು ವಾರಗಳಿಂದ ನಡೀತಿರೋ ಲೌಡ್​ಸ್ಪೀಕರ್ ಸಂಘರ್ಷ ಮತ್ತಷ್ಟು ತೀವ್ರಗೊಂಡಿದೆ. ಮಸೀದಿಗಳ ಮೇಲಿನ ಮೈಕ್ ತೆಗೆಸೋ ವಿಚಾರವಾಗಿ ರಾಜ್ ಠಾಕ್ರೆ ಉದ್ಧವ್ ಠಾಕ್ರೆ ಸರ್ಕಾರಕ್ಕೆ ಚಾಲೆಂಜ್ ಮಾಡಿದ್ದರು. ಆಜಾನ್​ಗೆ ಬ್ರೇಕ್ ಹಾಕದಿದ್ದರೆ ಅದಕ್ಕಿಂತ ದುಪ್ಪಟ್ಟು ಶಬ್ದದಲ್ಲಿ ಹನುಮಾನ್ ಚಾಲೀಸ ಪಠಿಸ್ತೇವೆ ಅಂತಾ ವಾರ್ನಿಂಗ್ ಮಾಡಿದ್ದರು. ಅಣ್ತಮ್ಮಂದಿರ ಹನುಮಾನ್ ಚಾಲೀಸಾ ಹಗ್ಗಜಗ್ಗಾಟಕ್ಕೆ ಪಕ್ಷೇತರ ಸಂಸದೆ ನವನೀತ್ ರಾಣಾ ಹಾಗೂ ಪತಿ ರವಿ ರಾಣಾ ಮಾಡಿರೋ ಮತ್ತೊಂದು ಚಾಲೆಂಜ್ ಮುಂಬೈ ನಗರದಲ್ಲಿ ಮೈಕ್ ಗಲಾಟೆ ತೀವ್ರಗೊಂಡಿದೆ.