ಡಿಫೆಂಡಿಂಗ್‌ನಲ್ಲಿ ಅತ್ಯಂತ ನಿರಾಶಾದಾಯಕವಾಗಿ ಆಟವಾಡಿದ ಬೆಂಗಳೂರು ಬುಲ್ಸ್‌ ಲೀಗ್‌ನಲ್ಲಿ ಸತತ 2ನೇ ಸೋಲು ಕಂಡಿತು. ಪಂದ್ಯದಲ್ಲಿ ಯುಪಿ ಯೋಧಾಸ್‌ ತಂಡ ಮೂರು ಬಾರಿ ಬೆಂಗಳೂರು ತಂಡವನ್ನು ಆಲೌಟ್‌ ಮಾಡುವಲ್ಲಿ ಯಶಸ್ವಿಯಾದರೆ, ಬೆಂಗಳೂರು ಬುಲ್ಸ್‌ ಒಮ್ಮೆ ಮಾತ್ರ ಒಮ್ಮೆ ಆಲೌಟ್‌ ಮಾಡಿತು. ಯುಪಿ ಯೋಧಾಸ್‌ ತಂಡದ ಪರವಾಗಿ ಪ್ರದೀಪ್‌ ನರ್ವಾಲ್‌ ಹಾಗೂ ಸುರೇಂದರ್‌ ಗಿಲ್‌ ಇಬ್ಬರೂ ತಲಾ 14 ಅಂಕಗಳಿಸುವ ಮೂಲಕ ಪಾರಮ್ಯ ಸಾಧಿಸಿದ್ದರಿಂದ ಬೆಂಗಳೂರು ಬುಲ್ಸ್‌ ತಂಡ 37-44 ಅಂಕಗಳಿಂದ ಯುಪಿ ಯೋಧಾಸ್‌ ತಂಡಕ್ಕೆ ಸಂಪೂರ್ಣವಾಗಿ ಶರಣಾಯಿತು.