ನವದೆಹಲಿ: ಭಾರತವು ವಿಶ್ವದ ಔಷಧಾಲಯವಾಗುತ್ತಿರುವುದುಕಳೆದ 75 ವರ್ಷಗಳಲ್ಲಿ ದೊಡ್ಡ ಸಾಧನೆಯಾಗಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಮುಖ್ಯ ವಿಜ್ಞಾನಿ ಸೌಮ್ಯ ಸ್ವಾಮಿನಾಥನ್ ಹೇಳಿದ್ದಾರೆ. ಅವರು ಆರೋಗ್ಯ ಸೇವೆಯಲ್ಲಿ ಭಾರತದ ಸಾಧನೆಗಳ ಪಟ್ಟಿಯನ್ನೂ ಮುಂದಿಟ್ಟಿದ್ದಾರೆ.
ಖಾಸಗಿ ಮಾಧ್ಯಮದ ಸ್ವಸ್ಥ್ ಭಾರತ್, ಸಂಪನ್ ಭಾರತ್ ಟೆಲಿಥಾನ್ ನಲ್ಲಿ ಮಾತನಾಡಿದ ಡಾ. ಸ್ವಾಮಿನಾಥನ್, ದೇಶದ ನಾಲ್ಕು ದೊಡ್ಡ ಸಾಧನೆಗಳನ್ನು ಪಟ್ಟಿ ಮಾಡಿದ್ದಾರೆ. ಪೋಲಿಯೊ ನಿರ್ಮೂಲನೆ, ಇತರ ಕಾಯಿಲೆ ತಡೆಯಬಹುದಾದ ಲಸಿಕೆ , ತಾಯಿ ಮತ್ತು ಮಕ್ಕಳ ಮರಣ ಪ್ರಮಾಣವನ್ನು ಕಡಿಮೆ‌ಮಾಡಿದ್ದು, ಸಾರ್ವತ್ರಿಕ ಆರೋಗ್ಯ ರಕ್ಷಣೆ ಭಾರತದ ಸಾಧನೆ ಎಂದು ಅವರು, ಭಾರತ ವಿಶ್ವದ ಔಷಧಾಲವಾಗಿದ್ದು, 75 ವರ್ಷಗಳಲ್ಲಿನ ಅತಿ ದೊಡ್ಡ ಸಾಧನೆ ಎಂದಿದ್ದಾರೆ.
ಕೋವಿಡ್ -19 ಸಾಂಕ್ರಾಮಿಕವು ಭಾರತ ಸೇರಿದಂತೆ ಪ್ರತಿಯೊಂದು ದೇಶದಲ್ಲೂ ಅಗತ್ಯ ಆರೋಗ್ಯ ಸೇವೆಗಳ ವಿತರಣೆಯ ಮೇಲೆ ಪರಿಣಾಮ ಬೀರಿದೆ ಎಂದು ಅವರು ಹೇಳಿದ್ದಾರೆ.