ಭಾನುವಾರ ಜೈಪುರದಲ್ಲಿ ಹಣದುಬ್ಬರದ ವಿರುದ್ಧ ಕಾಂಗ್ರೆಸ್ ರ್ಯಾಲಿಯಲ್ಲಿ ಮಾತನಾಡಿದ ಪ್ರಿಯಾಂಕಾ ಗಾಂಧಿ, ನರೇಂದ್ರ ಮೋದಿಯವರನ್ನು ನಮ್ಮ ಪ್ರವಾಸಿ ಪ್ರಧಾನಿ ಎಂದು ಕರೆದರು. ನಮ್ಮ ಪ್ರವಾಸಿ ಪ್ರಧಾನಿ ಇಡೀ ಪ್ರಪಂಚವನ್ನು ಸುತ್ತಿದರು. ಆದರೆ, ನಮ್ಮ (ಪ್ರತಿಭಟಿಸುವ) ರೈತರನ್ನು ಭೇಟಿ ಮಾಡಲು ಹತ್ತು ಕಿಲೋಮೀಟರ್ ದೂರ ಹೋಗಲಿಲ್ಲ. ಇದು ನಮ್ಮಲ್ಲಿರುವ  ಸರ್ಕಾರವಾಗಿದೆ ಎಂದರು.
ಉತ್ತರ ಪ್ರದೇಶದಲ್ಲಿ ಕೋಟ್ಯಂತರ ರೂಪಾಯಿ ಜಾಹೀರಾತುಗಳಿಗೆ ಹೋಗುತ್ತದೆ. ಆದರೆ, ರೈತರ ಕಲ್ಯಾಣಕ್ಕಾಗಿ ಅಲ್ಲ, ಕೇಂದ್ರ ಸರ್ಕಾರವು ಜನರ ಕಲ್ಯಾಣವನ್ನು ಬಯಸುವುದಿಲ್ಲ. ಸರ್ಕಾರವು ಕೆಲವೇ ಕೈಗಾರಿಕೋದ್ಯಮಿಗಳಿಗಾಗಿ ಕೆಲಸ ಮಾಡುತ್ತಿದೆ. ಹಲವು ದಶಕಗಳಿಂದ ಕಾಂಗ್ರೆಸ್ ಕಟ್ಟಿದ ಸರ್ಕಾರವನ್ನು ಕೆಲವು ಆಯ್ದ ಕೈಗಾರಿಕೋದ್ಯಮಿಗಳಿಗೆ ಮಾರಾಟ ಮಾಡಲಾಗುತ್ತಿದೆ. ನೀವು ಏಳು ವರ್ಷಗಳಲ್ಲಿ ಏನು ಮಾಡಿದ್ದೀರಿ?ಎಂದು ಪ್ರಿಯಾಂಕಾ ಗಾಂಧಿ ವಾಗ್ದಾಳಿ ನಡೆಸಿದ್ದಾರೆ.