ಮಡಿಕೇರಿ ನಗರದ ಗೌಳಿ ಬೀದಿಯಲ್ಲಿ ಗುಂಡಿನ ಮೊರೆತ. ಗಾಳಿಯಲ್ಲಿ ಗುಂಡು ಹಾರಿಸಿದ ಆರೋಪಿಗಳು. ಈ ಘಟನೆಗೆ ಸಂಬಂಧಿಸಿದಂತೆ ಮಡಿಕೇರಿ ನಗರ ಠಾಣೆಯಲ್ಲಿ ಮನೆಯವರಿಂದಲೇ ದೂರು ದಾಖಲಾಗಿದೆ. ಮಡಿಕೇರಿ ನಗರದ ಗೌಳಿ ಬೀದಿಯ ಮನೆಯೊಂದರ ಬಳಿ ಸುಮಾರು ಹತ್ತಕ್ಕಿಂತಲೂ ಹೆಚ್ಚಿನ ಯುವಕರ ಗುಂಪೊಂದು ಏಕಾಏಕಿ ವಾಹನಗಳಲ್ಲಿ ದೌಡಾಯಿಸಿ ಮನೆಯವರೊಂದಿಗೆ ಗಲಾಟೆ ಮಾಡಿರುತ್ತಾರೆ. ಈ ಸಂದರ್ಭ ಗಾಳಿಯಲ್ಲಿ ಗುಂಡು ಹಾರಿಸಿದ ಆರೋಪಿಗಳು ಪರಾರಿಯಾಗಿರುತ್ತರೆ. ಈ ಮಾಹಿತಿಯ ಪ್ರಕಾರ ಗಾಳಿಬೀಡಿನ ನಿವಾಸಿ ತೀರ್ಥ ಎನ್ನುವವರಿಂದ ಗುಂಡಿನ ದಾಳಿ ನಡೆಸಿರುವ ಶಂಕೆ.
ಭಾ. ಜ. ಪ ಮುಖಂಡ ಬಾಲಚಂದ್ರ ಕಳಗಿ ಹತ್ಯೆಯ ಆರೋಪಿ ಜಯ ಎಂಬಾತನ ಮೇಲೆ ಘಟನೆಗೆ ಸಂಬಂಧಿಸಿದಂತೆ ದೂರು ದಾಖಲಾಗಿದೆ ಮೊದಲೇ ದಾಳಿಗೆ ಪ್ರಿ ಪ್ಲಾನ್ ಮಾಡಲಾಗಿತ್ತು ಎನ್ನಲಾಗಿದ್ದು ವಿಷಯದ ಹಿಂಟ್ ಅರಿತಿದ್ದ ಗೌಳಿ ಬೀದಿ ನಿವಾಸಿ ಪ್ರಮೋದ್ ಹಾಗೂ ಮನೆಯವರು ಮೊದಲೇ ನಗರ ಠಾಣೆಗೆ ಹಿಂಟ್ ನೀಡಿದ್ದರು ಎನ್ನಲಾಗುತ್ತಿದೆ. ಗೌಳಿ ಬೀದಿಯ ನಿವಾಸಿ. ಪ್ರಮೋದ್ ಅವರನ್ನು ಟಾರ್ಗೆಟ್ ಮಾಡಿ ಗುಂಡು ಹಾರಿಸಲಾಗಿದೆ ಎನ್ನಲಾಗಿದ್ದು, ಆ ಸಂದರ್ಭ ಪ್ರಮೋದ್ ಸ್ಥಳದಲ್ಲಿ ಇರಲಿಲ್ಲ ಎನ್ನಲಾಗಿದೆ. ದಾಳಿಗೆ ಸಂಬಂಧಿಸಿದಂತೆ ಮನೆಯವರಿಂದಲೂ ದೂರು ದಾಖಲಾಗಿದ್ದು ಅದೃಷ್ಟವಶಾತ್ ಯಾರಿಗೂ ಗಾಯಗಳಾಗಿಲ್ಲ ಎನ್ನುವುದು ಮೇಲ್ನೋಟಕ್ಕೆ ಸ್ಪಷ್ಟವಾಗಿದೆ. ತದನಂತರ ಸತ್ಯಾಸತ್ಯತೆ ಬೆಳಕಿಗೆ ಬರಬೇಕಾಗಿದೆ.