ಬೆಳ್ತಂಗಡಿ ಹಾಗೂ ಮೂಡಬಿದ್ರೆಯಲ್ಲಿ ಅಭ್ಯರ್ಥಿ ಪದ್ಮರಾಜ್ ರವರ ವೈಯಕ್ತಿಕ ಪ್ರಭಾವ ಎಷ್ಟಿದೆ ಎಂಬುದು ಇಲ್ಲಿ ಪರೀಕ್ಷೆಗೆ ಒಳಗಾಗುತ್ತಿದೆ ಎಂಬುದು ರಾಜಕೀಯ ವಿಶ್ಲೇಷಕರ ಸ್ಪಷ್ಟ ಅಭಿಪ್ರಾಯ. ಯಾಕೆಂದರೆ ಮಂಗಳೂರು (ಉಳ್ಳಾಲ), ಮಂಗಳೂರು ಉತ್ತರ (ಸುರತ್ಕಲ್), ಮಂಗಳೂರು ದಕ್ಷಿಣ, ಬಂಟ್ವಾಳ ಕ್ಷೇತ್ರಗಳಲ್ಲಿ ಅಲ್ಪಸಂಖ್ಯಾತರ ಮತಗಳು ಅತಿ ಹೆಚ್ಚು ಇರುವ ಕಾರಣ ಇಲ್ಲಿರುವ ಮುನ್ನಡೆಯಲ್ಲಿ ಅಲ್ಪಸಂಖ್ಯಾತರ ಪ್ರಭಾವ ಸ್ಪಷ್ಟವಾಗಿ ಗೋಚರವಾಗುವುದರಿಂದ, ನಿಜವಾದ ಬಿಲ್ಲವ ಪ್ರಭಾವದ ಕ್ಷೇತ್ರಗಳಾಗಿ ಮೂಡುಬಿದ್ರಿ ಹಾಗೂ ಬೆಳ್ತಂಗಡಿ ಇಲ್ಲಿ‌ ಪ್ರಮುಖವಾಗಿದೆ.ಆ ಕಾರಣದಿಂದ ಪದ್ಮರಾಜ್ ಪರ ಬಿಲ್ಲವ ಸಂಘಟನೆಗಳು ಬೆಳ್ತಂಗಡಿ ಹಾಗೂ ಮೂಡಬಿದ್ರೆಯಲ್ಲಿ ವ್ಯಾಪಕ ಪ್ರಚಾರ ಕಾರ್ಯಗಳನ್ನು ನಡೆಸಿದ್ದವು.