ಬೆಳ್ತಂಗಡಿ ರಾಜಕೀಯ ಚುನಾವಣೆಯ ಮೊದಲೇ ರಂಗೇರಿದೆ. ಶಾಸಕ ಹರೀಶ್ ಪೂಂಜಾ 240 ಕೋಟಿ ರೂಪಾಯಿಗಳ ನೀರಿನ ಯೋಜನೆಗಳನ್ನು ಬೆಳ್ತಂಗಡಿಗೆ ತಂದಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ. ಹರೀಶ್ ಪೂಂಜಾ ಅಭಿವೃದ್ಧಿಯ ಬತ್ತಳಿಕೆ ಯನ್ನು ಸಮರ್ಥವಾಗಿ ಪ್ರಯೋಗಿಸುತ್ತಿದ್ದಾರೆ ‌.

ಆದರೆ ಕಳೆದ ಎರಡು ತಿಂಗಳಿಂದ ಗೊಂದಲದಲ್ಲಿದ್ದ ಬೆಳ್ತಂಗಡಿ ಕಾಂಗ್ರೆಸ್ಸಿನಲ್ಲಿ ಈಗ ಹೊಸ ಹುಮ್ಮಸ್ಸು ಗೋಚರವಾಗುತ್ತಿದೆ. ಕೆಪಿಸಿಸಿ ಮಾಜಿ ಕಾರ್ಯದರ್ಶಿ ರಕ್ಷಿತ್ ಎಂಟ್ರಿಯ ನಂತರ ಬಂಗೇರ ಹಾಗೂ ಹರೀಶ್ ಕುಮಾರ್ ಬಣ ಜೊತೆಗೂಡಿದ್ದು, ಗ್ರಾಮ ಗ್ರಾಮಕ್ಕೆ ಬ್ಲಾಕ್ ಅಧ್ಯಕ್ಷರುಗಳು ವಸಂತ ಬಂಗೇರ ಅವರೊಂದಿಗೆ ಭೇಟಿ ನೀಡುತ್ತಿದ್ದಾರೆ. ಇದು ಕಾಂಗ್ರೆಸ್ನಲ್ಲಿ ಹೊಸ ಸಂಚಲನವನ್ನು ಉಂಟು ಮಾಡಿದೆ.

ಆದರೆ ಬಿಜೆಪಿ ಅಷ್ಟು ಸುಲಭದಲ್ಲಿ ಬಿಟ್ಟುಕೊಡುವ ಲಕ್ಷಣ ಕಾಣುತ್ತಿಲ್ಲ. ಕಾಂಗ್ರೆಸ್ನ ಭಿನ್ನಮತದ ಸಂಪೂರ್ಣ ಲಾಭ ಎತ್ತಲು ಬಿಜೆಪಿ ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಕಾಂಗ್ರೆಸ್ ಬಂಗೇರ, ಹರೀಶ್ ಕುಮಾರ್, ರಕ್ಷಿತ್, ರಂಜನ್ ಈ ರೀತಿಯಾಗಿ ಬೇರೆ ಬೇರೆ ಹಿಂಬಾಲಕರನ್ನು ಹೊಂದಿಕೊಂಡು ಸ್ವಲ್ಪ ಹಿನ್ನಡೆಯಲ್ಲಿದೆ ಎನ್ನುತ್ತಾರೆ ರಾಜಕೀಯ ವಿಶ್ಲೇಷಕರು.

ಈ ನಡುವೆ ಬಿಜೆಪಿಯಲ್ಲಿ ಒಳಗಿಂದಲೇ ಅಸಮಾಧಾನ ಇದೆ ಎನ್ನುತ್ತಾರೆ ರಾಜಕೀಯ ವಿಶ್ಲೇಷಕರು. ಹರೀಶ್ ಪೂಂಜಾ ವಿರುದ್ಧ ಕೆಲವು ಹಿರಿಯ ನಾಯಕರು ಒಳಗಿಂದಲೇ ಅಸಮಾಧಾನಗೊಂಡಿದ್ದಾರೆ ಎನ್ನುತ್ತಾರೆ ರಾಜಕೀಯ ವಿಶ್ಲೇಷಕರು. ಈ ನಡುವೆ 4 ಹಿಂಬಾಲಕರ ಪಡೆ ಕಾಂಗ್ರೆಸ್ ನಲ್ಲಿರುವ ಕಾರಣದಿಂದ ಹೈಕಮಾಂಡ್ ಇವರನ್ನೆಲ್ಲ ಬಿಟ್ಟು ಹೊಸ ಮುಖಕ್ಕೆ ಅವಕಾಶ ನೀಡಿದರು ಅಚ್ಚರಿ ಇಲ್ಲ ಎನ್ನುತ್ತಾರೆ ರಾಜಕೀಯ ವಿಶ್ಲೇಷಕರು.

ಒಟ್ಟಿನಲ್ಲಿ ಬಿಜೆಪಿಗೆ ತನ್ನ ಸ್ಥಾನ ಉಳಿಸಿಕೊಳ್ಳುವ ತಲೆನೋವು ಆದರೆ, ಕಾಂಗ್ರೆಸ್ಗೆ ಅಧಿಕಾರ ಪಡೆದುಕೊಳ್ಳುವ ತವಕ ಇದೆ.