ಬೆಂಗಳೂರು:  ರಾಜಧಾನಿ ಬೆಂಗಳೂರಿನಲ್ಲಿ 28 ತಿಂಗಳ ಬಳಿಕ ಕನಿಷ್ಠ ಸಂಖ್ಯೆಯಾದ ಎಂಟು ಕೊರೋನಾ ಸೋಂಕು ಪ್ರಕರಣ ಭಾನುವಾರ ದೃಢಪಟ್ಟಿವೆ. ಕೊರೋನಾ ಸೋಂಕಿನ ಆರಂಭದ ಸಂದರ್ಭದಲ್ಲಿ 2020ರ ಮೇ 8 ರಂದು ಆರು ಪ್ರಕರಣಗಳು ನಗರದಲ್ಲಿ ದೃಢಪಟ್ಟಿದ್ದವು. ಅದಾದ ಬಳಿಕ ಕೊರೋನಾ ಮೊದಲ ಹಾಗೂ ಎರಡನೇ ಅಲೆಯ ವೇಳೆಯಲ್ಲಿ ಈ ಸಂಖ್ಯೆಯ ಕನಿಷ್ಠ ಪ್ರಕರಣ ದಾಖಲಾಗಿರಲಿಲ್ಲ. ಭಾನುವಾರ 8 ಮಂದಿಯಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಇದು ಎರಡು ವರ್ಷ ನಾಲ್ಕು ತಿಂಗಳಲ್ಲಿ ಕನಿಷ್ಠ ಪ್ರಕರಣವಾಗಿವೆ.