ಚಿಕ್ಕಬಳ್ಳಾಪುರ: ಸಮಾಜಕ್ಕೆ ನೀತಿ ಪಾಠ ಬೋಧಿಸುವ ಶಿಕ್ಷಕ (Teacher) ವೃತ್ತಿಯ ಕೃಷ್ಣಪ್ಪ ಎಂಬಾತ ಪತ್ನಿಯನ್ನು ತನ್ನ ಮನೆಯಲ್ಲಿ ಹತ್ಯೆ (murder) ಮಾಡಿದ್ದೂ ಅಲ್ಲದೆ, ಮನೆಗೆ ಬೀಗ ಜಡಿದುಕೊಂಡು ಹೋಗಿದ್ದಾನೆ. ಚಿಕ್ಕಬಳ್ಳಾಪುರ ಜಿಲ್ಲೆಯ ಗೌರಿಬಿದನೂರು ನಗರದ (Gauribidanur) ಗಂಗಾನಗರದಲ್ಲಿ ಈ ಹೃದಯವಿದ್ರಾವಕ ಘಟನೆ ನಡೆದಿದೆ. ಮೇ 19ರಂದೆ ಪತ್ನಿಯನ್ನು (wife) ಕೊಂದು ಮನೆಗೆ ಬೀಗ ಜಡಿದಿದ್ದಾನೆ ಗಂಡ ಕೃಷ್ಣಪ್ಪ. 40 ವರ್ಷದ ಲಕ್ಷ್ಮಿದೇವಿ ಕೊಲೆಯಾದ ನತದೃಷ್ಟ ಮಹಿಳೆ. ಮೃತ ದೇಹದ ವಾಸನೆಯಿಂದ ಅಕ್ಕಪಕ್ಕದವರಿಗೆ ಅನುಮಾನ ಬಂದಾಗ ಘಟನೆ ತಡವಾಗಿ ಬಯಲಿಗೆ ಬಂದಿದೆ.