ಮಡಿಕೇರಿ, ಶಿರಾಡಿ ಘಾಟಿಯ ಎಲ್ಲ ಭಾಗದಲ್ಲೂ ಅತಿವೃಷ್ಟಿ ಹಾನಿಯ ವೀಕ್ಷಣೆ ಮಾಡಿದ್ದೇವೆ. ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳ ಜತೆಗೂ ಸಭೆ ನಡೆಸಿದ್ದೇನೆ. ಶಿರಾಡಿ, ಚಾಮುಡಿ, ಆಗುಂಬೆ, ಮಾಲಾ, ಕೊಲ್ಲೂರು, ಸಂಪಾಜೆ, ಅರಬೈಲು, ಗೇರುಸೊಪ್ಪ ಘಾಟಿಗಳಲ್ಲಿ 63 ಕಡೆ ಭೂ ಕುಸಿತವಾಗಿತ್ತು. ಅದನ್ನು ದುರಸ್ತಿಪಡಿಸಿ ವಾಹನ ಸಂಚಾರಕ್ಕೆ ಮುಕ್ತ ಮಾಡಲಾಗಿದೆ ಎಂದು ಹೇಳಿದರು.

754 ಕೋಟಿ ರೂ. ಬೇಕು: ಅತಿವೃಷ್ಟಿಯಿಂದಾಗಿ 141 ಕಿ.ಮೀ. ರಾಜ್ಯ ಹೆದ್ದಾರಿ, 924 ಕಿ.ಮೀ. ಮುಖ್ಯ ರಸ್ತೆಗಳು, 357 ಅಡ್ಡ ಮೋರಿಗಳು, ಸಣ್ಣ ಸೇತುವೆಗಳು ಹಾಳಾಗಿವೆ. ಇದೆಲ್ಲವನ್ನೂ ದುರಸ್ತಿ ಮಾಡಲು 740 ಕೋಟಿ ರೂ. ಬೇಕಿದ್ದು, ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗುವುದು. ಸದ್ಯ 200 ಕೋಟಿ ರೂ. ಬಿಡುಗಡೆ ಆಗಿದ್ದು, ಅದರಲ್ಲಿ ಕೆಲಸ ನಡೆಯುತ್ತಿದೆ ಎಂದರು.

617 ಕಾಮಗಾರಿ ಪೂರ್ಣ: 2019ರಿಂದ ಸತತ ವಿಪರೀತ ಮಳೆಯಾಗುತ್ತಿದೆ. ಆಗ 669 ಕೋಟಿ ರೂ. ಬಿಡುಗಡೆ ಮಾಡಲಾಗಿತ್ತು. ಆ ಮೊತ್ತದಲ್ಲಿ ಕೈಗೊಂಡ 1248 ಕಾಮಗಾರಿಗಳಲ್ಲಿ 617 ಕಾಮಗಾರಿ ಪೂರ್ಣಗೊಂಡಿವೆ ಎಂದು ಮಾಹಿತಿ ನೀಡಿದರು.